Tıýmen memlekettik ýnıversıtetiniń ǵalymdary patogenderdiń preparattarǵa tózimdiligin jeńetin ámbebap tabıǵı antıbıotık tapty, dep habarlaıdy Egemen.kz. Zertteý mátini Applied Biochemistry and Microbiology jýrnalynda jarııalanǵan.
Avtorlar tabylǵan zat bakterııalar men sańyraýqulaqtar týdyratyn adam men janýarlardyń kóptegen juqpaly aýrýlarymen tıimdi kúresýge kómektesetinin aıtady.
Maqalada farmakologııanyń mindetteriniń biri naryqta qoljetimdi antıbıotıkterge birneshe (multi-drug resistant, MDR) nemese absolıýtti (extreme-drug resistant, XDR) tózimdiligi bar mıkroorganızmdermen kúresýge qabiletti tabıǵı antıbıotık ekeni jazylǵan.
Zertteýshiler alkalofıldi mısellıaldy sańyraýqulaqtan bólinetin emerısıllıpsın A peptıdiniń erekshe qasıeti baryn anyqtady. Sarapshylardyń pikirinshe, zat bakterııalarda bıofılmderdiń paıda bolý qabiletin tejeıdi, sondyqtan bul qozdyrǵyshtardyń antıbıotıkterge tózimdiligi joǵalady.