Teatrda ótken sheberlik synyby

Bıylǵy jyly 80-shi tea­tr maýsymyn ashyp otyrǵan Ońtústik Qazaqstan oblystyq Jumat Shanın atyndaǵy qazaq drama teatry ujymynyń ózin­dik salǵan sara joly, minezi, qol­tańbasy bola tura, basqa da óner tarlandarymen akterlik sheberliginen dáris alyp otyrýy – teatr tabaldyryǵyn jańa ashyp otyrǵan jas akterlerge bereri mol sabaq bolmaq. Osy maqsatpen jaqynda ǵana Qazaqstan Teatr qaıratkerleri odaǵynyń tóraǵasy, Qazaqstan Respýblıkasynyń ha­lyq ár­tisi, ónertaný ǵy­lym­darynyń kandıdaty Tuń­ǵysh­baı Ja­man­qulovtyń qa­ty­sýymen sheberlik sabaǵy ótkizildi.

Bıylǵy jyly 80-shi tea­tr maýsymyn ashyp otyrǵan Ońtústik Qazaqstan oblystyq Jumat Shanın atyndaǵy qazaq drama teatry ujymynyń ózin­dik salǵan sara joly, minezi, qol­tańbasy bola tura, basqa da óner tarlandarymen akterlik sheberliginen dáris alyp otyrýy – teatr tabaldyryǵyn jańa ashyp otyrǵan jas akterlerge bereri mol sabaq bolmaq. Osy maqsatpen jaqynda ǵana Qazaqstan Teatr qaıratkerleri odaǵynyń tóraǵasy, Qazaqstan Respýblıkasynyń ha­lyq ár­tisi, ónertaný ǵy­lym­darynyń kandıdaty Tuń­ǵysh­baı Ja­man­qulovtyń qa­ty­sýymen sheberlik sabaǵy ótkizildi.

– Qaıda barsam da tóredeı bolyp tórge shyǵýym – óner patshalyǵynyń arqasynda, – dep sózin bastaǵan óner tarlany búgingi elimizdegi 54 teatrdyń ahýalyna kóz júgirte otyryp, kóptegen qundy aqpar­larmen bólisti.

– Sahnada ne kórsetilse de problemany kóterý kerek! Búgingi teatr sahna­la­ryndaǵy qoıylyp jatqan spektaklderdiń óresi tómen. Qazaq rejısserleriniń shaban­dyǵy, kóp izdenbeıtindigi sııaqty kóptegen sebepter – qazaq teatr óneriniń bıikke kóterilýine kertartpa bolyp otyrǵany jasyryn emes. Ony moıyndaýymyz kerek. Ol prob­lema M.Áýezov teatrynda da bar. Daryndy ártister joq emes – bar. Búgingi problemany óz deńgeıinde sahna tórinde kótere biletin rejısser jetis­peı jatyr, – dep óz oıyn ashyq aıtqan T.Jamanqulov ártistiń óz oıynyna eshqashan toqmeıilsimeı, árqashan óz boıynan bir kemistigin taýyp otyrýy qajettigin aıtyp ótti. Bir ǵana qarekettiń kúl­li spektakldi tóńkerip jiberetindeı qudireti bar eken­digi jasyryn emes. So­nymen qatar, sahna tili... Sah­na tiliniń sóıleý sheberligi tómendep, ártistiń aýzynan shyqqan sózi – aýzyna ystyq kartoshka salǵan balanyń tilindeı bolyp óz kórermenine jetpeı jatatyny – teatr sahnasyn júdetip turǵan bas­ty máselelerdiń biri, degen óner tarlany akterdiń aýzynan shyqqan ár sózdiń eń sońǵy qatardaǵy kórermenge aqsamaı jetýi kerektigine erekshe toqtaldy.

Saıa QASYMBEK,

J.Shanın atyndaǵy qazaq drama

teatry ádebıet bóliminiń meńgerýshisi.

Ońtústik Qazaqstan oblysy.