Aqtóbe oblysynda óńirdegi ekologııalyq ahýaldy retteý maqsatynda 2021-2025 jyldarǵa arnalǵan Ekologııalyq jol kartasy ázirlenip, onda atqarylýǵa tıisti 33 is-shara belgilendi.
Iri jobalardyń qataryna aýadaǵy azot dıoksıdi men formaldegıd mólsherin azaıtý úshin qaladaǵy barlyq aýa lastaýshy kásiporyndardyń shań tutqysh ornatýy, las sýlardy qaıta óńdeý arqyly tehnıkalyq sý retinde qaıta paıdalaný, qaladaǵy káriz jelilerin jańartý, burynǵy «Alǵa» hımııa zaýytyndaǵy «tarıhı» qaldyqtar men Aqtóbe temir qorytpa zaýyty aýmaǵynda jatqan hrom qaldyqtaryn kómý, barlyq qoqys polıgondarynyń jan-jaǵy men barsha eldi mekender tóńiregin kógaldandyrý qamtyldy. Ekologııalyq kartaǵa engizilgen is-sharalar qatarynda Aqtóbe qalasyndaǵy káriz jelilerin tolyq jaraqtandyrý jobasy da kezek kúttirmeıtin máseleniń biri.
Oblystyq ekologııa departamentiniń basshysy Nurjan Aqquldyń habarlaýynsha, Aqtóbe qalasyndaǵy qoqys polıgony men eskirgen káriz tazartý qondyrǵysynan shyǵatyn aýadaǵy jaǵymsyz ıiske baılanysty turǵyndardan 29 shaǵym kelip túsken. Sondaı-aq departament jyl basynan beri ekologııalyq zańnamany buzǵan iri jáne orta, shaǵyn kásipkerlik nysandaryna 67 ret aıyppul salǵan.
Aqtóbe oblysy