Shymkentte qus tumaýynyń aldyn alý maqsatynda úı qustaryna jappaı ekpe jasalyp jatyr, dep habarlaıdy Egemen.kz
Aýyl sharýashylyǵy mınıstrligine qarasty Veterınarııalyq baqylaý jáne qadaǵalaý komıtetinen Shymkentke qus tumaýyna qarsy 33 myńnan astam dozaǵa laıyqtalǵan ekpe bólingen. Qazir bul vaksınalar qaladaǵy 6 veterınarııalyq beketke taratylyp berildi. Qala aýmaǵyndaǵy sý qoımalaryna jaqyn ornalasqan eldi mekenderdegi úı qustaryna ekpe jumystary jasalyp jatyr. Aldaǵy kúnderi shaharǵa taǵy da qosymsha 70 myń doza vaksına ákelinedi.
Aıta keteıik, qalada jáne oǵan qarasty eldi mekenderde qus tumaýy aýrýy tirkelmegen. Jalpy óńirdegi epızootııalyq ahýal turaqty.
Nursultan Kenjebaev, qalalyq aýyl sharýashylyǵy jáne veterınarııa basqarmasy basshysynyń orynbasary: "О́zen-kólderge jabaıy qustar kelip qonatyn sát. Sol qaýip birinshi jabaıy qustardan keledi. Qus fabrıkalary ekpe egý jumystaryn óz qarajaty esebinen júrgizedi", deıdi ol.
Memlekettiń esebinen tek qana úı qustaryna ekpe egýdi júrgizemiz. Shymkent qalasynda búgingi kúnde 969 myń bas qus bar. Onyń 466 myń basy jumyrtqa baǵytynda. Odan qalǵan 373 myń bas qus ol úı irgelik jerlerde.