MTV USA telearnasynda Dımash Qudaıbergenniń qazaq tilinde shyrqaǵan ániniń beınebaıany kórsetiledi. Osylaısha, Dımash – MTV-da óz tilinde án shyrqaǵan tuńǵysh qazaqstandyq ánshi atanǵaly otyr, dep habarlaıdy Egemen.kz dimashnews.com saıtyna silteme jasap.
Bul rette, beınebaıandy MTV USA arnasynyń resmı YouTube jelisi arqyly AQSh-tan ózge kez kelgen el tamashalaı alady.
"Meniń tyńdarmandaryma, álemniń ár túpkirindegi ónerimdi baǵalaıtyn jankúıerlerime shyn júregimmen alǵys aıtamyn. Olar meniń bala armanymnyń oryndalýyna sebepker boldy. Qazaqstan ǵana emes, tórtkúl dúnıedegi Dear-larymnyń qoldaýyna razymyn. Qurmetim men alǵysym sheksiz", dep lebizin bildirdi ánshi.
Beınebaıan búgin Nıý-Iork ýaqytymen 17:00 men 20:00 aralyǵynda, al Nur-Sultan ýaqytymen túngi 03:00 men tańǵy 06:00 aralyǵynda júkteletini belgili bolyp otyr. Bul – Amerıkada juma kúngi praım-taım ýaqyt. Dál osy ýaqytta MTV arnasyn eń kóp kórermen qaraıdy.