"Otandastar qory" KeAQ, "Dúnıejúzi qazaqtary qaýymdastyǵy" RQB jáne "Jas qazaq" halyqaralyq jastar uıymynyń uıymdastyrýymen 20-23 qyrkúıek kúnderi Shymkent jáne Túrkistan qalalarynda "Kıeli Qazaqstan" jobasy ótti, - dep habarlaıdy Egemen.kz
Joba maqsaty – qandastardy Qazaqstannyń kórnekti jerlerimen, "Jalpyhalyqtyq mándegi Qazaqstannyń kıeli geografııasy" kópfýnksıonaldy vırtýaldy kartasynyń jobasymen tanystyrý, zamanaýı Qazaqstannyń jetistikteri, mádenı-gýmanıtarlyq almasý múmkindikteri jaıly aqparat berý.
Jobaǵa Qazaqstannyń JOO-larynda bilim alyp jatqan qandas stýdentter qatysty. Is-shara aıasynda dóńgelek ústel uıymdastyrylyp, qandas jastardyń suraqtary men usynystary tyńdaldy. Shymkent qalasy jáne Túrkistan oblysyndaǵy kıeli jerlerge ekskýrsııaǵa baryp, týǵan ólkeniń tereń tarıhymen tanysty.
Sanıtarlyq-epıdemııalyq talaptardy saqtap, jastar arnaıy mamandardyń baqylaýynda boldy.
Esterińizge sala keteıik, "Kıeli Qazaqstan" jobasy Qazaqstan Respýblıkasy Aqparat jáne qoǵamdyq damý mınıstrliginiń qoldaýymen úshinshi ret ótkizildi. 2018 jyly Túrkistan qalasynda, al 2019 jyly Aqtaý qalasynda ótti.