Búgin saǵat 09:57 mınýtta polısııaǵa Taraz qalasy Aqmola kóshesinde órt bolǵany týraly málimet kelip tústi, dep habarlaıdy Egemen.kz Jambyl oblystyq Polısııa departamentiniń baspasóz qyzmetine silteme jasap.
"Oqıǵa ornyna kelip jetken órt sóndirýshiler órtti sóndirgen. Oqıǵa ornyn qaraý barysynda polıseıler 2017 jáne 2018 jyly týǵan eki kámeletke tolmaǵan balanyń máıitin tapqan. Boljam boıynsha ólim gaz ıisinen ýlanýdan bolǵan", delingen aqparatta.
Osy derek boıynsha QR QK-niń 292-baby 3 b. boıynsha sotqa deıingi tergeý bastalǵan (eki jáne odan da kóp adamnyń ólimine aparǵan órt qaýipsizdigi erejelerin buzý). Qajetti saraptamalar taǵaıyndaldy.
Jambyl oblystyq Polısııa departamenti ata-analardy balalaryn qaraýsyz qaldyrmaýǵa, sondaı-aq, balalaryn turmysta ózin ustaýdyń qaýipsizdik erejelerine úıretý qajettigine shaqyrady.