Elimizde qus tumaýynan qyrylǵan 329 691 bas úshin ótemaqy tólenedi. Bul týraly Veterınarııalyq baqylaý jáne qadaǵalaý komıteti tóraǵasynyń mindetin atqarýshy Tursyn Qabdoldanov QR Prezıdenti janyndaǵy OKQ brıfınginde habarlady.
"Ortasha naryqtyq qunyn óteýdi komıssııa júzege asyrady. Arnaıy shtabtar quryldy. QR AShM Veterınarııalyq baqylaý jáne qadaǵalaý komıtetiniń "Respýblıkalyq epızootııaǵa qarsy otrıad" RMM-si qus ıeleriniń saraptama, joıý aktisi, qus tumaýynan bolǵan ólim-jitimdi rastaıtyn qujattary jáne arnaıy shotty ashqan kezde ǵana qarjyny aýdarady. Komıssııa ótemaqyny Qazaqstan Respýblıkasy Statıstıka komıtetiniń qustardyń túrleri boıynsha derekteri negizinde anyqtaıdy", - dedi spıker.