Kórnekti oıshyl ál-Farabıdiń 1150-jyldyǵyna oraı Qazaqstannyń Elshiliginde Ýppsala ýnıversıtetiniń professory Laslo Karolıdiń "Kónetúrki tili men jazýy" taqyryby boıynsha dárisi ótti, dep habarlaıdy Egemen.kz mınıstrliktiń baspasóz qyzmetine silteme jasap.
Osy Skandınavııa elindegi shved jáne qazaqstandyq jastar negizin quraǵan aýdıtorııa kónetúrki tarıhy men mádenıeti, tildiń erekshelikteri jáne túrki halyqtarynyń jazýlary týraly óz bilimderin jetildirý múmkindigine ıe boldy.
Tyńdaýshylardy qyzyqtyrǵan suraqtardyń ishinen, atap aıtqanda, qazaqtar men basqa kóshpendi halyqtardyń mádenıetin túsiný úshin túrki kezeńiniń mańyzdylyǵyn eskere otyryp, ál-Farabı fılosofııasynyń túrki negizderi qozǵaldy. Túrkitildes memleketterdiń yntymaqtastyq keńesimen jáne Nur-Sultan qalasynda ornalasqan onyń halyqaralyq ǵylym ortalyǵy - Túrki akademııasymen beriletin biregeı múmkindikter arqyly túrki áleminiń eýropalyq zertteýshileri arasynda ózara is-qımyldy tereńdetýdiń bolashaǵy talqylandy.
Is-sharanyń uıymdastyrýyna QR-dyń Qurmetti konsýly, ǵylym doktory Vadım Kessler jáne Shvesııadaǵy Qazaqstan jastarynyń qaýymdastyǵy qatysty.