Atyraýda jol erejesin buzatyn júrgizýshiler kóbeıip tur. Sonyń birine 1 mln teńge aıyppul salynǵan, - dep habarlaıdy Egemen.kz
"Patrýldik polısııa qyzmetkerleri aıyppul tólemeı júrgen júrgizýshilerdi toqtatyp jatyr. Máselen, jyldamdyq ólshegish quralyna 22 ret túsken "VAZ-2110" kóliginiń júrgizýshisine salynǵan aıyppuldyń jalpy somasy 417 myń 890 teńgeni quraǵan. Al, "Lexus" kóliginiń ıesi jyldamdyqty 8 ret arttyryp, oǵan 152 790 teńge aıyppul salynǵan. Sondaı-aq, taǵy bir "VAZ-2110" kóligin basqarǵan júrgizýshi jyldamdyq ólshegish quralynyń "kózine" 45 ret túsip, salynǵan aıyppuldyń kólemi 1 mıllıon 13 myń 970 teńgege jetken" -dep habarlady departamenttiń baspasóz qyzmeti.
Aıyppulyn tólemegen júrgizýshilerdiń kóligi aqyly turaqqa koıyldy.