Prorva ken alańynan «qara altyn» óndirýshi munaıshylar on kún buryn aqqýdyń jaraly balapanyn taýyp aldy. Qanaty synyp, usha almaı qalǵan balapan ilespe gazdy keshendi daıyndaý qondyrǵysynyń mańyna qulaǵan eken.
«Jylyoımunaıgaz» basqarmasy qorshaǵan ortany qorǵaý bóliminiń bastyǵy Qazı Bısenovtiń aıtýynsha, munaıshylar balapandy birneshe kún tamaqtandyryp, kútim jasaǵan. Keıin basshylardyń ruqsatymen «Kaspıı samaly» vahtalyq kentke ákelip, jaraqatynyń jazylýyn kútken.
– Balapannyń jaraqatynyń jazylýyn 10 kún kúttik. Arada osynsha kún ótkende Qamyskól kólinde bir top aqqýdyń júzip júrgenin estip, balapandy kólge jiberdik. Sol kezde balapannyń aqqýlarǵa asyǵa jetken sáti erekshe este qaldy, – deıdi Qazı Bısenov.
Atyraý oblysy