Oblystyq polısııa departamentiniń bastyǵy Qamza Úmbetqalıevtiń málimetine súıensek, Atyraý qalasynda 5 modýldik tıptegi stasıonarlyq beket táýlik boıy jumys isteıdi, dep habarlaıdy Egemen.kz.
Jyl basynan beri modýldi stasıonarlyq beketterdiń kezekshi qyzmetkerlerine 500-ge jýyq azamat júginipti. Endi mine, taǵy bir beket Jaıyq jaǵalaýynan ashylyp otyr.
"Alda modýldik úlgidegi taǵy 19 beketti ashý josparlanyp otyr. Onyń 10-y Atyraý qalasynda, qalǵany jeti aýdan ortalyǵynda bolady. Oblys ákimdiginiń qoldaýymen bıyl josparlanǵan 34 ýchaskelik polısııa pýnkteriniń 28-i ashyldy. Onyń 22-si turǵyn úımen biriktirilgen. Qazir oblys aýmaǵynda 92 ýchaskelik polısııa pýnkteri qyzmet atqarady. Onyń 27-si oblys ortalyǵynda ornalasqan. Qosymsha alty ýchaskelik polısııa pýnktin ashý qarastyrylýda", deıdi departament bastyǵy Qamza Úmbetqalıev.
Onyń aıtýynsha, oblysta 232 ýchaskelik polısııa ınspektory, 71 kómekshisi bar. Olardyń barlyǵy portatıvti beınetirkeýishtermen, radıostansııalarmen jáne planshettermen qamtamasyz etilip otyr.