Ondaǵy aýqymdy jobalar jalǵasyn tabady
Keshe Aqtóbe oblysynyń ákimi Arhımed Muhambetov Qazaqstan Prezıdenti janyndaǵy Ortalyq kommýnıkasııalar qyzmetinde brıfıng ótkizdi. Ákim jýrnalısterge oblystyń áleýmettik-ekonomıkalyq damýy men óńirdegi memlekettik jáne salalyq baǵdarlamalardyń iske asyrylýy týraly áńgimeledi. Sondaı-aq, Memleket basshysynyń 11 qazanda ótken Úkimettiń keńeıtilgen otyrysynda aımaqqa qatysty aıtqan syn-eskertpeleriniń oryndalýyn baıandady.
Ondaǵy aýqymdy jobalar jalǵasyn tabady
Keshe Aqtóbe oblysynyń ákimi Arhımed Muhambetov Qazaqstan Prezıdenti janyndaǵy Ortalyq kommýnıkasııalar qyzmetinde brıfıng ótkizdi. Ákim jýrnalısterge oblystyń áleýmettik-ekonomıkalyq damýy men óńirdegi memlekettik jáne salalyq baǵdarlamalardyń iske asyrylýy týraly áńgimeledi. Sondaı-aq, Memleket basshysynyń 11 qazanda ótken Úkimettiń keńeıtilgen otyrysynda aımaqqa qatysty aıtqan syn-eskertpeleriniń oryndalýyn baıandady.
Aqtóbe oblysyndaǵy jalpy jaǵdaımen oqyrman qaýym óńirge arnalǵan betten málimet alyp, atqarylǵan aýqymdy istermen tolyq tanysýyna bolady. Sondyqtan biz brıfıngte tilshilerdi qyzyqtyrǵan máseleler jónine toqtalmaqpyz. Birinshi aıtarymyz, Aqtóbe oblysynda ortasha aılyq eńbekaqy – 93 500 teńge. О́ńir basshysynyń sózine ılansaq, bul kórsetkish jaman emes. Oblys turǵyndarynyń áleýmettik ál-aýqaty jaqsaryp keledi. «Aǵymdaǵy jyldyń segiz aıynda turǵyndardyń jan basyna shaqqandaǵy nomınaldy aqshalaı tabysy 7,9 paıyzǵa, ortasha aılyq eńbekaqy 6,2 paıyzǵa ósken. Sóıtip, 93 500 teńgeni qurap otyr», dedi oblys ákimi. Sondaı-aq, oblysta kedeılik deńgeıinen tómen tabys tabatyn turǵyndardyń sany 27,5 paıyzǵa qysqaryp, jalpy sany 284 adamdy qurapty.
Salystyratyn bolsaq, osydan eki jyl buryn ataýly áleýmettik kómek 1100 adamǵa tólense, qazir tórt ese azaıypty. Eki jyl buryn bul maqsatqa 25 mln. teńge bólinedi eken. Qazir ol 4 esege deıin qysqarǵan. Oblys ákimi óńirdegi jetistikterdi aıta kelip, bilim berý, sport, mádenıet, densaýlyq saqtaý salalaryna da keńinen toqtaldy. Ákimniń baıandamasyna oraı qoıylǵan saýaldyń biri, Qazaqstannyń ózinde 5 oblyspen, sondaı-aq, Reseı, О́zbekstanmen shekaralasatyn óńirdegi quqyqtyq tártip jáne dinı ahýal týraly boldy. «Oblysta dinı ahýal turaqty, birqatar jumystar atqaryldy. «Ańsar» ońaltý-keńes berý ortalyǵy ashyldy.
Onyń basty maqsaty – teris aǵymda júrgen jastarǵa tanym-túsinik turǵysynda kómek berý. Jastar ortalyqqa kelip, bilimderin tolyqtyrady, jóni kelse ortalyq arqyly jumysqa da ornalasady. Búginde 50-ge jýyq adam ońaltýdan ótip, jumys tapty», dedi A.Muhambetov.
Búginde, oblysta 68 dinı birlestik qaıta tirkeýden ótipti. О́ńirdegi dinı ahýaldy saýyqtyrý jumystary nátıjeli júrgizilip jatqan kórinedi. «Meshitterdi mamandarmen qamtamasyz ettik. Bilimi jaqsy 17 ımamdy qyzmetke tarttyq. Olar baspanamen, kólikpen qamtamasyz etildi. Bul bıýdjet qarajaty emes. Olar ımamdary joq shaǵyn aýyldarǵa baryp, jumys júrgizedi», dedi oblys ákimi.
Osy kúnge deıin aımaqta dinge qatysty tanym-túsinikti negizdeıtin 30 myń danadan astam kitap shyǵarylypty. Oblysta jastardy durys jolǵa nasıhattaý jumystary júıeli júrgizilip, jat aǵymda júrgen adamdar sany azaıyp keledi eken.
Ákim Memleket basshysynyń 11 qazanda ótken Úkimettiń keńeıtilgen otyrysyndaǵy óńirge qatysty synyna baılanysty jýrnalıster saýalyna naqty jaýap berdi. «Atalǵan mektepterdiń syıymdylyǵy birdeı. Biraq, baǵasy ártúrli. Onyń sebebi, mektepterdiń ornalasqan jerinde bolyp otyr. Qala ortalyǵynda ornalasqan aýdandarǵa mektep salý arzanǵa túsedi. О́ıtkeni, ınfraqurylymdar men qajetti dúnıeniń bári qasynda. Al, qala syrtyna ınjenerlik-kommýnıkasııalyq júıelerdi júrgizýge týra keledi. Sondyqtan, eki mekteptiń qurylys baǵasynda 60-70 mln. teńge kóleminde aıyrmashylyq bolǵan. Muny tııanaqty teksergen kúshtik qurylym qyzmetkerleri eshqandaı zań buzýshylyqty tappady. Osyndaı túsinispeýshilik oryn almaýy úshin, aldaǵy ýaqytta mektep salý úshin smeta jasaǵanda ınjenerlik-kommýnıkasııalyq júıelerdi bólek smetamen esepteıtin bolamyz», dedi óńir basshysy.
Sondaı-aq, Elbasy Úkimettiń keńeıtilgen otyrysynda aıtqan balabaqsha máselesine de arnaıy túsinik berdi. «Shalqar qalasyndaǵy quny 75 mln. teńgelik balabaqshany eki ese baǵamen satyp alǵan bilim bóliminiń bastyǵy jumysynan bosatyldy. Konkýrstyq komıssııanyń tóraǵasy jaýapqa tartylyp jatyr. Is sotqa jiberilgen edi. Sot isti qaıta tergeýge qaıyrdy. Tergeý isi aıaqtalǵan soń barlyq málimetterdi jarııalaıtyn bolamyz», dedi ákim.
Oblys ákimi bul synnyń oryndy bolǵanyn aıtyp, barlyq bilim berý mekemeleriniń nysandaryna baqylaý jasalatynyn bildirdi.
Atalǵan oblys basshysyna budan da ózge kóptegen saýaldar qoıylyp, naqty jaýaptar berildi.
Nurbaı ELMURATOV,
«Egemen Qazaqstan».