Iran memlekettik telekanaly ızraıldikterdiń úreıin alatyn bes mınýttyq fılm kórsetti. Kólemi óte shaǵyn bul fılmde aldaǵy ýaqytta bolýy múmkin yqtımal soǵysta Iran óz zymyrandarymen Izraıldi qalaı atqylaıtyny týraly kórsetilgen. Bul týraly «Lenta.rý» saıty habarlady.
Shaǵyn ǵana kórsetilimdi túsirý kompıýterlik baǵdarlama arqyly júzege asqan. Fılmde Iran jaǵy ballıstıkalyq zymyrandaryn Izraılge baǵyttaǵany, túsken jerin talqandaǵany, sonymen qatar, olardyń birnesheýin qarsylas jaq ta qarap qalmaı, joıyp jibergeni kórsetilgen. Atalmysh lenta Irannyń Izraılge jasaýy yqtımal shabýylynyń jospar-jobasy tárizdi. О́ıtkeni, fılmde Iran «shabýyldaýshylary» Izraıl qorǵanys mınıstrliginiń bas ǵımaratyn, áskerı bazany, Dımon qalasyndaǵy ıadrolyq ortalyqty, Tel-Avıvtiń áýejaıyn nysanaǵa alǵan.
Fılmniń sońynda 2006 jyly Lıvandaǵy soǵysta ólgen ızraıldikterdiń múrdesi kórsetilgen.
Esterińizde bolsa, 8 qarashadan beri Irannyń ıadrolyq baǵdarlamasyna qatysty Jenevada «altylyqtyń» basqosýy ótip jatyr. Dál osy qarsańda atalǵan fılmniń jarııalanýy talaıdy oılantyp tastady.
Jeneva kelisimi Iran úshin sátimen aıaqtalsa, onda bul memleket ózin qursaýlaǵan halyqaralyq sanksııadan qutylady. Al buǵan Izraıl úzildi-kesildi qarsy bolyp otyr.
Osyndaı qysyltaıań shaqta Irannyń ızraıldikterdiń qutyn qashyrý maqsatynda fılm túsirýi qarsylas jaqtyń qytyǵyna tımeı qoımaıtyny belgili.