Orta salmaqta óner kórsetetin qazaqstandyq kásipqoı boksshy Qanat Islamnyń (27-0, 21 KO) kelesi qarsylasy anyqtaldy. Otandasymyz kelesi kezdesýin meksıkalyq Hesýs Gýrrolaǵa (27-3-15, 14 KO) qarsy ótkizedi, dep habarlaıdy Egemen.kz.
BoxRec portalynyń aqparaty boıynsha, Islam kelesi kezdesýin 16 qazan kúni Plant-Sıtı (AQSh, Florıda shtaty) qalasynda ótkizedi. Bul otandasymyzdyń sońǵy bir jyldaǵy birinshi kezdesýi bolmaq. Sońǵy ret Qanat Islam 2019 jyldyń 26 qazanynda sharshy alańǵa shyǵyp, namıbııalyq Ýolter Kaýtondokvany (18-2, 17 KO) tóreshilerdiń sheshimi boıynsha jeńdi. Bul kezdesý ol WBO International belbeýin ıelengen bolatyn. Al 32 jastaǵy Gýrrola bolsa kásipqoı boksta 45 kezdesý ótkizip, 27 jekpe-jekte jeńiske jetse, 15 kezdesýde jeńilip, 3 aıqasta qarsylasymen teń túsken. Ol jekpe-jekteriniń basym bóligin Meksıkada ótkizgen.