Velosporttan «Astana» velokomandasynyń kapıtany Iаkob Fýlsang Italııa tas joldarynda ótip jatqan «Djıro d ‘Italııa» velojarysy úshinshi kezeńiniń qorytyndysy boıynsha jalpy esepte úzdik TOP-10 velosportshynyń qataryna qosyldy.
150 shaqyrymǵa sozylǵan úshinshi kezeńde Fýlsang máre syzyǵyn besinshi kesip, úshinshi jarys kúniniń jeńimpazy atanǵan Honatan Kaısedodan (EF Pro Cycling) 51 sekýndqa qalyp qoıdy. Osy nátıjesinen keıin danııalyq veloshabandoz úzdik 10 sportshynyń qataryna qosylyp, jalpy esepte toǵyzynshy orynǵa turaqtady.
Aıta keteıik, Italııada bastalǵan velokópkúndik qazaqstandyq komanda úshin sátti bastala qoıǵan joq. Birinshi kezeńde jýyrda ǵana Fransııada máresine jetken «Týr de Frans» jarysynda táýir nátıje kórsetken Mıgel Anhel Lopes jaraqat alyp, týrnırden shyǵyp qaldy. Sodan keıin asqazan jarasyna baılanysty «Astananyń» reseılik veloshabandozy Aleksandr Vlasov ta jarysty sońyna deıin jalǵastyra almady.