Birikken Ulttar Uıymy «Haııan» taıfýnyn sońǵy 100 jyldyń ishindegi eń joıqyn daýyl dep atady. Bul týraly ITAR-TASS habarlady.
Birikken Ulttar Uıymy gýmanıtarlyq kómekti úılestirý jónindegi basqarmasynyń ókili Djon Gıng: ««Haııan» taıfýny 9,8 mıllıonnan astam adamdy tentiretip jiberdi. Mundaı alapat sońǵy 100 jylda kezdespegen», – dedi.
Birikken Ulttar Uıymy Bas hatshysynyń gýmanıtarlyq kómek jónindegi orynbasary Valerı Amos Fılıppınge baryp, ondaǵy jaǵdaıdy kózimen kórdi.
Valerı Amos taıfýnnan zardap shekken turǵyndarǵa alǵashqy kómek retinde Birikken Ulttar Uıymy tarapynan 25 mln. dollar bólingenin jetkizdi. Qazirgi ýaqytta «Haııan» taıfýny jaıpap ótken aımaqtaǵy halyqty azyq-túlikpen, dári-dármekpen, taza aýyz sýmen qamtamasyz etý isi kún tártibinde tur.
«Haııan» taıfýny saldarynan shamamen 10 myńnan astam adamynan aıyrylǵan Fılıppınge halyqaralyq uıymdar tarapynan kómek berilýde.
Joldybaı Bazar.