Elbasy. El Táýelsizdigi. El birligi

Elbasy men el Táýelsizdigi jáne el birligi – birtutas uǵym. Táýelsizdik alý jáne qoǵamǵa saı, ózge memlekettermen terezesi teń, zamanaýı ónerkásibi bar, halqynyń ál-aýqaty joǵary, bilimdiligi men mádenıeti qalyptasqan turǵyndary bar, saıası-ekonomıkalyq damýy turaqty, álemdik qoǵamdastyqtyń bedeldi múshesi bola alatyndaı memleket qurý, alǵa qoıǵan maqsattaryn oryndaı bilý – mártebeli de salmaǵy aýyr is jáne ol óte jaýapkershiligi joǵary mindet. Sondaı asa aýyr da abyroıly jaýapkershilikti moınyna ala bilgen adam – Qazaqstan Respýblıkasynyń Tuńǵysh Prezıdenti Nursultan Ábishuly Nazarbaev.

Elbasy men el Táýelsizdigi jáne el birligi – birtutas uǵym. Táýelsizdik alý jáne qoǵamǵa saı, ózge memlekettermen terezesi teń, zamanaýı ónerkásibi bar, halqynyń ál-aýqaty joǵary, bilimdiligi men mádenıeti qalyptasqan turǵyndary bar, saıası-ekonomıkalyq damýy turaqty, álemdik qoǵamdastyqtyń bedeldi múshesi bola alatyndaı memleket qurý, alǵa qoıǵan maqsattaryn oryndaı bilý – mártebeli de salmaǵy aýyr is jáne ol óte jaýapkershiligi joǵary mindet. Sondaı asa aýyr da abyroıly jaýapkershilikti moınyna ala bilgen adam – Qazaqstan Respýblıkasynyń Tuńǵysh Prezıdenti Nursultan Ábishuly Nazarbaev.

О́tken ǵasyrdyń sońynda Qazaqstan sııaqty azattyq ań­sa­ǵan elderde táýelsizdiktiń tańy atty! Bul kezeńde jahandyq saıa­sat ózgerip, álem kartasy jańa táýelsiz memlekettermen to­lyqty, zaman da, geosaıasat ta ózgergen bolatyn. Álemdik qoǵam­dastyq ózgerdi, zamanaýı tehnologııa jáne álemdik qarym-qa­tynastar jańa bir deńgeıge kóte­rilip ketken edi. Sonyń ishin­de óz ornymyzdy aıqyndaý, eldi qıyndyqqa uryndyrmaý, toqyraýǵa ushyratpaı, óz jolyn taba bilý aıryqsha tulǵa ǵana júzege asyra alatyn uly is bolatyn. 1991 jyly 16 jeltoqsanda, Táýelsizdikti jarııalaǵan kúnnen bastap, uly memlekettik isterdi júzege asyrý kezeńi bastaldy. Sol sátten Qazaqstan Táýelsizdigin álem elderi moıyndady. Qazaqstan Birikken Ulttar Uıymyna múshe bolyp kirip, bizdiń jerimizdiń, shekaramyzdyń birtutastyǵyn málimdedi.

Týymyzdy, Eltańbamyzdy, Ánuranymyzdy qabyldap, ózimizdiń tól teńgemizdi shyǵaryp, al el aldynda ekonomıkamyzdy aıaǵynan tik turǵyzý mindeti turdy. Beıbit maqsattaǵy áskerimiz ben shekarashylarymyz bar. Táýelsizdik qazyǵyn nyǵaıtý jolyndaǵy sol bir aýqymdy isterdi aqylmen, kóregendikpen joǵary deńgeıde sheshý qajettiligi týdy. Táýelsiz eldiń basqarý júıesin qalyptastyrý, ol úshin prezıdenttik basqarý júıesin engizý, qos palataly Parlamenttiń jumysyn jolǵa qoıý qajettigi týyndady. Jáne kóppartııalyq júıeniń qalyptasýyna jaǵdaı jasaldy. Munyń bárine elimiz ret-retimen qadam jasady.

Alǵashqy jyldary eldiń ekonomıkalyq reformalaryn júzege asyrýǵa asa qajetti zańdar el Prezıdentiniń Jarlyǵymen qabyldandy. 1995 jyly 30 tamyzda búkilhalyqtyq referendým arqyly qabyldanǵan Konstıtýsııamyz el damýyna jańa serpin berdi, irgeli ózgerister alyp keldi. Sol Ata Zańymyzǵa sáıkes 1995 jyly jeltoqsanda parlamenttik saılaý ótip, turaqty túrde jumys isteıtin, kásibı qos palataly Parlament ómirge keldi. 1996 jyldyń qańtar aıyn­da Elbasymyz alǵashqy shaqyrylymnyń alǵashqy sessııasyn ashyp berdi. Sol kezden bastap Qazaqstan parlamentarızminiń jańa paraǵy ashyldy. Mine, búgingi tańda sodan bastaý alǵan Qazaqstan Parlamentiniń besinshi shaqyrylymynyń úshinshi sessııa­sy óz jumysyn jalǵastyrýda.

Jyl saıyn tájirıbesi nyǵaıa túsken Qazaqstan Parlamenti álemdik talapqa sáıkes Memleket basshysynyń usynysymen Úkimettiń ázirlegen zań jobalaryn taldap, jetildirip, qabyldaý ústinde. Naryqtyq ekonomıkanyń jańa ustanymdaryna jáne zaman talaptaryna jaýap bere alatyn zańdardy talqylap, jetildirip, sapaly túrde qabyldaý aýqymdy jumys ekeni anyq.

XX ǵasyrdyń ekinshi jartysynda álemniń alpaýyt derjavalary qyrǵı-qabaq saıasat júrgizip, atom qarýymen jantalasa qarýlanyp, bir-birine ses kórsetip, izgilikke zulymdyqty qarsy qoıdy. Al táýelsiz Qazaq eliniń jańa lıderi, kerisinshe, atom ajdahasyn aýyzdyqtaýǵa úndeý tastap, beıbitshil de parasatty saıasatyn álemge áıgilep, atom qurbany bolyp qasiret tartqan halyqtyń jandaýysyn álemdik qoǵamdastyqqa jetkize bildi, tarıh tegershigin basqa jaq­qa aýdaryp, HHI ǵasyrǵa gý­manıstik sanany úlgi etip usyndy. Soǵys qaýpin, teke tires janjaldy únqatysý arqyly retteýdi usynyp, «Adamzattyń bárin súı, baýyrym dep» degen uly Abaıdyń ósıetin qasıettep, jańa ǵasyrda álem birtutas múddeler toǵysy ekendigin jahanǵa jarııa etti.

Qazaqstan – dúnıe júzi bo­ıynsha ıadrolyq qarýdan birinshi bolyp bas tartqan el. Osyndaı tarıhı jáne saıası mańyzdy sheshimdi qabyldaǵan Nursultan Nazarbaev 1991 jyly 29 tamyz kúni «Semeı ıadrolyq synaq polıgonyn jabý týraly» Jarlyqqa qol qoıdy. Osy oraıda, Qazaqstan Prezıdentiniń bastamasy boıynsha Birikken Ulttar Uıymy 29 tamyzdy Iаdrolyq synaqtarǵa qarsy halyqaralyq is-qımyl kúni dep jarııalady. Elbasy óz sózinde «Semeı polıgonynyń jabylýy – barsha qazaqstandyq úshin tarıhı oqıǵa. Biz jarylystardy toqtatyp qana qoımaı, álemniń ıadrolyq ómirine ózgeris ákeldik», deı kelip, álemde tórtinshi oryndy ıelenetin ıadrolyq arsenaldan bas tartý arqyly halyqaralyq qaýipsizdikke orasan úles qosqany­myzdy atap ótken bolatyn. Qazaq eli óziniń beıbit saıasatyn sózben emes, ispen dáleldegen el.

Eldiń naqty Táýelsizdigin kórsetetin birneshe aıqyndamalar bar. Ol – dıplomatııalyq táýel­sizdik, ekonomıkalyq táýel­sizdik, áskerı táýelsizdik jáne mádenı táýelsizdik.

Egemendikke qol jetkizgennen keıin Qazaqstan úshin Birikken Ulttar Uıymynyń quramyna kiretin 193 eldiń barlyǵymen dıp­lomatııalyq baılanys orna­týǵa jol ashyldy. Búgingi tań­da Qazaqstan 151 memleketpen saıası-ekonomıkalyq baılanys ornatqan. Qaı elmen de qarym-qatynas jasaǵanda, qandaı keli­simniń de memleketimiz úshin ekonomıkalyq tıimdi jaǵy tereń saraptalyp, Elbasynyń qol qoıýyna usynylýy tıis. Tolyqqandy dıplomatııalyq táýelsizdik degenimiz, biz kimmen yntymaqtastyq qarym-qatynas jasaımyz, qaı elden ne alamyz, qaı elge qandaı ónimderimizdi eksportqa shyǵaramyz, sonyń bárin basqa bir eldiń nusqaýymen emes, óz aldyna jeke sheship, beıbit maqsatta, ózara tıimdi baılanys jasaý dep uǵynǵanymyz jón. Qaı elmen baılanys jasasaq ta, qol qoıylǵan kelisimder, sharttar zań júzinde bekitiledi. Iаǵnı, memleket basshylary, úkimet basshylary qol qoıǵan qujattardy kelisim jasasqan elderdiń parlamentteri ratıfıkasııalaıdy. Qazir Qazaqstan Parlamenti de osyndaı mańyzdy kelisimder men sharttardy zań túrinde ratıfıkasııadan ótkizip keledi. Búgingi tańda bizdiń dıplomatııalyq táýelsizdigimiz tolyqqandy ornyqty, joǵary deńgeıge shyǵyp kele jatyr dep esepteımin.

Áskerı táýelsizdik týraly aıtqanda, bizdiń maqsatymyz – beıbitshilikti qorǵaý ekenin erekshe atap ótýimiz kerek. Quramyna Qazaqstan, Qyrǵyzstan, Qytaı, Reseı jáne Tájikstan kirgen Shanhaı yntymaqtastyq uıymy­nyń (ShYU) múshesimiz. Osy halyqaralyq uıym sheńberinde beıbit maqsatta «Shanhaı bes­tigine» kirgen elderdiń birlesken áskerı jattyǵýlary ótkizilip keledi. Biz jarııalylyq pen ashyqtyq qaǵıdatyn paıdalana otyryp, ózimizdiń qaýip­sizdigimizdi qorǵaýdy birinshi qa­tarǵa qoıýymyz kerek. Jańa ǵasyrda bir elge bir el áskerı qarý-jaraǵyn kirgizip, soǵys ashý sııaqty pıǵyldyń zamany ótip ketti dep oılaımyn. Soǵystyń halyqqa tek qana qaıǵy-qasiret ákeletinin adamzat balasy anyq túsindi. Al qazirgi tańda birigip kúresýdi talap etetin qoǵamnyń jańa jaýlary bar. Olar – terrorızm men ekstremızm jáne olardyń ózge de kórinisteri.

Qazaqstannyń Áskerı doktrınasynda basqa elder men kórshilerine áskerı soǵys qaýpin týǵyzatyn sıpatta emes, kerisinshe, tek qana óz-ózin qorǵaıtyn maqsatty kózdeıtini anyq jazylǵan. Qazaqstan óziniń ulttyq múddesin qatań túrde qorǵaı otyryp, syrttan bolatyn qaýip-qater túrleri: terrorızm, ekstremızm, esirtki tasymaly, zańsyz qarý-jaraq tasymaly, zańsyz kóshi-qon sekildi qaýip túrlerimen kúresetini belgili. Sondaı-aq, Qazaqstan – kez kelgen janjal, qaqtyǵysty kúsh qoldaný arqyly emes, beıbit jaǵdaıda, saıası-dıplomatııalyq, quqyqtyq, ekonomıkalyq tetikterdi paıdalana otyryp sheshýdi maqsat tutqan táýelsiz memleket. Bizdiń eshkimge qoıatyn kinámiz joq jáne eshbir elge bereshek qaryzymyz da joq.

О́z Táýelsizdigimizdi, sondaı-aq halyqaralyq qaýipsizdikti birlese qorǵaý maqsatynda qurylǵan Qarýly Kúshimiz bar.

Endi ekonomıkalyq táýelsiz­dikke kelsek, egemendiktiń al­ǵashqy jyldarynan bastap-aq Memleket basshysynyń syndarly saıasaty boıynsha elimizdiń áleýetin kóterýge basa kúsh salyndy. Jańa ekonomıkalyq re­formalar jedel júrgizildi. Sonyń nátıjesinde jas elimiz ishki jáne syrtqy qarjy daǵ­da­rys­tarynan erkin shyǵa bildi. Búgingi tańda Elbasynyń bastamasymen ázirlengen Údemeli ın­dýstrııalyq-ınnovasııalyq da­mý baǵdarlamasy júzege asýda. Mun­daǵy maqsat – álemniń eń ozyq tehnologııasyn paıdalanýdyń nátıjesinde ózimizde jańa zaýyttar men kásiporyndardy iske qosyp, sapaly otandyq ónimder shyǵarý. Qazir osy baǵytta óńirlerde kóptegen tıimdi jobalar júzege asý ústinde. Jer kólemi jaǵynan álemde toǵyzynshy orynda tursaq ta, ekonomıkalyq kórsetkishimiz boıynsha elý eldiń qataryndamyz. Aldaǵy ýaqytta jańa deńgeıge kóterilý úshin, damyǵan otyz eldiń qataryna qosylý úshin Qazaqstan halqy bir maqsat jolynda jumyla eńbek etýi qajet dep oılaımyn.

Bizdiń elde Elbasy negizin qalap bergen Jalpyǵa Ortaq Eńbek Qoǵamy qalyptasýy tıis. Osy oraıda, Qazaqstan Prezıdenti Nursultan Nazarbaev: «Bizdiń áleýmettik saıasat básekege qabiletti jáne kúshti JALPYǴA ORTAQ EŃBEK QOǴAMYN qurýǵa baǵyttalýy tıis. Shyndyqty moıyndaıyq: bolashaqta HHI ǵasyrda tek EŃBEK qana barlyq qazaqstandyqtardyń ÁL-AÝQATQA jáne jańa О́MIR SAPASYNA qol jetkizýin qamtamasyz ete alady. Men qazaqstandyqtardyń áleýmettik jańǵyrtý saıasatyna qoldaý kórsetetinine, onyń syrtynda ony júzege asyrýǵa barynsha tikeleı jáne múddeli túrde atsalysatynyna meılinshe senimdimin!» degen bolatyn. Elbasymyz bizdiń basty maqsatymyz Qazaqstanda Jalpyǵa Ortaq Eńbek Qoǵamyn qurý ekenin kórsetip otyr.

Jas urpaqty eńbekke baýlý, óndiris oryndarynda jumys isteıtin azamattardyń abyroıyn joǵary baǵalaý, olardyń óz eńbekterine oraı laıyqty marapatqa ıe bolýyna jaǵdaı jasaý aldyńǵy qatardaǵy máseleniń biri. Bizdiń qoǵamda elge adal qyzmet etetin jumysshylar qataryn qalyptastyrý kerek. Ǵarysh zamanynda qaı eldiń halqy bir maqsat jolynda jumyla eńbek etip, ortaq nátıjege qol jetkizse, halyqtyń naqylymen aıtsaq, sol eldiń kemesi órge júzedi, azamattarynyń isi alǵa basady. Ekonomıkasy durys jolǵa qoıylǵan el ǵana aldyńǵy qatarǵa shyǵady.

Tutynýshy halyqtyń sany azdyǵy ekonomıkaǵa tikeleı áser etedi. Qazaqstan halqy sany jaǵynan utymdy jaǵdaıda emes. Sondyqtan Keden odaǵyna birigip, Reseı, Belarýs elderimen bir ekonomıkalyq keńistik qurýǵa múddeli boldy. Búgingi tańda ózge kórshi memleketter de osy uıymǵa kirýge yntalanýda. Bastapqyda taýarlarymyz básekege túsýde utylyp jatqan da shyǵar. Biraq ómirde utylǵan adam shyńdalady. Al shyńdalǵan adam synnan ótedi. Ol úshin óz ónimderimizdiń sapasyn úzdiksiz jetildire berýimiz kerek. Bul kúnde tek qana taýarlarymyz emes, Qazaqstannyń halqy da, eldiń qabyldaǵan zańdary da synǵa túsip jatyr. «Qazaqstan Parlamenti qabyldaǵan zańdar shetelge ónim shyǵarýda kásipkerlerge qanshalyqty qoldaý jasaýda, tıimdi bolyp, qorǵap jatyr ma?» degen suraqqa jaýap bere alýy kerek. Bul ister Elbasynyń tikeleı qadaǵalaýymen júzege asýda. Soǵan oraı kezdesken keshendi problemalar retimen sheshimin tabýda.

О́mir aǵysy toqtamaıdy, jańa ózgerister týyndap jatady. Sondyqtan áli de alda turǵan máseleler óte kóp. Taıaýda bizdiń el Dúnıejúzilik saýda uıymynyń quramyna kirgeli tur. Sol joldaǵy ekonomıkalyq ózgeristerdi ulttyq zańdarymyzben sáıkes keltirý úshin jańa zańnamalyq aktiler qabyldanýda. Ol uıymǵa engen kezdegi básekelestik qazirgi Keden odaǵynan áldeqaıda joǵary ekenin bárimiz de sezinip otyrmyz.

Qazaqstan Konstıtýsııasyna sáıkes el Prezıdenti – halyq pen memlekettik bılik birliginiń, Konstıtýsııa myzǵymastyǵynyń, adam jáne azamat quqyqtary men bostandyqtarynyń nyshany ári kepili. Memleket basshysy Nursultan Nazarbaev 2006 jylǵy halyqqa arnaǵan Joldaýynda Qazaqstannyń álemdegi básekege barynsha qabiletti 50 eldiń qataryna kirý strategııasyn usynǵan bolatyn. Bul tek óz eliniń aldyna qoıǵan mindet qana emes, álemge jarııa etilgen úndeý, aıryqsha bastama edi. Bul mejege ótken jyly qol jetkizildi. 2012 jylǵy 14 jeltoqsandaǵy Elbasynyń «Qazaqstan-2050» Strategııasy – qalyptasqan memlekettiń jańa saıası baǵyty» atty Qazaqstan halqyna Joldaýynda Nursultan Ábishuly «Qazaqstan HHI ǵasyrdyń ortasyna qaraı álemniń eń damyǵan 30 eliniń qatarynda bolýǵa tıis», dep asqaraly mejege qol jetkizý qajettigin málimdedi. Bul maqsatqa jetý úshin Elbasynyń senip otyrǵany – eli, týǵan halqy jáne óskeleń jastarǵa degen zor senimi men úmiti.

Mundaı jetistikke jetýde rýhanı birlikti nyǵaıtýǵa yqpal etetin kúsh – mádenı táýelsizdik. Bul salaǵa til, din, tarıh, mádenıet, óner, ádebıet qundylyqtary kiredi. Jastar osy qundylyqtar negizinde rýhanı baılyqty boılaryna sińirýi tıis. Sonda ǵana patrıottyq tárbıe alatyny sózsiz. Qazaq halqynyń tarıhy da búgingi táýelsiz eldiń kózqarasy turǵysynda qaıta zerdelenip, jazylyp jatyr.

О́z aldymyzǵa el bolǵannan keıin Elbasymyz bilim salasyn damytýǵa erekshe kóńil bóldi. О́zge elderde joq «Bolashaq» baǵdarlamasy iske asyrylyp, elimizdiń jastary álemniń tanymal bilim ordalarynan zamanaýı ǵylym nárimen sýsyndaýǵa múmkindik aldy. Bul qazaq jastarynyń bilimin jahandyq deńgeıge kótergen bastama boldy. Endi aldaǵy ýaqytta shetelden alýǵa bolatyn bilimdi óz elimizde oqyp, qol jetkizýge bolatyny zaman shyndyǵyna aınalyp otyr. Osy oraıda, Astanada «Nazarbaev ýnıversıteti» ashyldy. Al óńirlerde óskeleń jasty bilim men ǵylymǵa baýlıtyn Nazarbaev zııatkerlik mektepteri salynyp, iske qosyldy. Ol mektepterde qazir bolashaq ǵalymdar, qoǵam qaıratkerleri, bilikti saıasatkerler men sarapshylar bilim alýda.

Elbasynyń ustanǵan saıasa­tynyń arqasynda Qazaqstan halqynyń birligi jarasym taýyp keledi. Táýelsizdik orny­ǵýynyń eń qıyn jyldarynda halyqtyń kemeldigi men eldiń Tuńǵysh Prezıdenti Nur­sultan Nazarbaevtyń qaı­ratkerligi nátıjesinde Qazaq­standa etnosaralyq janjal men qoǵamnyń bólinýine jol be­rilgen joq. Osy oraıda, Qa­zaqstannyń El birligi doktrınasy qabyldandy. Mundaı saıası máni tereń, alýan túrli ult pen ulystardy bir shańyraq astyna biriktirgen Doktrına eshbir elde joq. Eger keıbir elderde bolyp jatqan janjaldarǵa, qaqtyǵystarǵa nazar aýdaratyn bolsaq, sonyń báriniń negizinde ultqa, dinge bóliný, ózara jaýlasý jatqanyn kóremiz. Ulttar men dinder arasyndaǵy qaqtyǵystar – sonaý adam balasynyń alǵashqy kezeńinen beri, dinge, ultqa bólingeli kele jatqan elishilik dert nemese qasiret. Mundaı qaqtyǵystardan eshbir memleket aman qalǵan emes.

Elbasynyń bastamasymen 2007 jyly Qazaqstan Konstıtýsııasyna eleýli ózgerister engizildi. Sol konstıtýsııalyq reformaǵa sáıkes Májilis depýtattarynyń 9-y Qazaqstan halqy Assambleıasynan saılaný quqyǵyna ıe boldy. Elimizdegi 130-dan astam ult pen ulystyń atynan ókil bolyp kelip otyrǵan áriptesterimiz qazir el damýyn alǵa bastyrýǵa, azamattyq qoǵam qalyptastyrýǵa baǵyttalǵan zańdardy qabyldaýda óz úlesterin qosyp keledi.

Táýelsizdik jyldarynda ózgeden ozyp shyǵyp, Qazaq eliniń ózin álemge moıyndatqan irgeli isteri az emes. Beıbitshilikti qorǵaýdaǵy elimizdiń halyqaralyq bedeli óte joǵary. Soǵan oraı Qazaqstan 2010 jyly Eýropadaǵy qaýipsizdik jáne yntymaqtastyq uıymyna (EQYU) tóraǵalyq etti. Qazaqstan alyp Eýrazııa qurlyǵyn senim, dástúr, ashyqtyq jáne tózimdilik syndy jalpy qundylyqtarǵa negizdelgen ortaq úndeýge biriktire bildi.

2010 jyly 1 jeltoqsanda EQYU-ǵa múshe memleketterdiń basshylary Astanada bas qosty, atalǵan Uıymnyń Sammıti bolyp ótti. Bul Sammıtke 2500 delegat, 1200-deı BAQ ókilderi keldi jáne 600-den astam úkimettik emes uıymdardyń ókilderi qatysty. Elbasy atap ótkendeı, Astana tórinde, Eýrazııanyń júreginde, baıyrǵy qazaq jerinde myńjyldyqtar boıy adamzat tarıhyn jasaǵan uly halyqtardyń tarıhı únqatysýy júzege asty. Uıymnyń barlyq músheleri tarapynan qoldaý taýyp, Astana deklarasııasy qabyldandy.

Elimizdiń halyqaralyq deńgeıdegi bedelin arttyratyn aıtýly oqıǵanyń biri – 2017 jyly Astanada ótetin EKSPO-2017 kórmesi. Jańa Qazaqstan álemdik bedeldi oqıǵalardy tek qana tamashalaýshy ǵana emes, ózi júzege asyrýshy, jańa ıdeıalardy synǵa salyp, álemdik qoǵamdastyqtyń mereıine bóleı alatyn belsendi de jetekshi memlekettiń birine aınaldy. EKSPO-2017 kórmesiniń jasyl energııa taqyryby jahandy órkendeý men shýaqqa, elimizdi jańa tehnologııa men ǵylymnyń áleýetti býynyna aınaldyratyn jasampaz joba bolatyny aıdan anyq.

Taıaýda ótken «Nur Otan» partııasynyń XV sezinde jańa Doktrına qabyldandy. Osy Doktrına arqyly biz álemge «Nur Otan» partııasynyń qanshalyqty ashyq saıasat ustanatynyn kórsettik. Bul HHI ǵasyrdyń partııasy retinde eldi jańa damý deńgeıine kóterý jóninde mindetteme alyp, Qazaqstan halqy aldynda ózine úlken jaýapkershilik júktep otyr. Alda turǵan maqsattarǵa qalaı qol jetkizetinin sala-sala boıynsha aıqyndap berdi.

Eger beınelep aıtsaq, qazir jas táýelsiz elimizge kóktem mezgili týyp tur! Qatal qystyń qıyndyǵynan shyqqan halyqty jadyratyp, Tabıǵat-Anaǵa aıryqsha qudiret syılaıtyn, jańarý úderisi bastalatyn kezeń kóktem emes pe?! Ǵasyrlar boıy ańsaǵan táýelsizdigimiz – bizdiń jańarǵan kóktemimiz! Bul – memlekettiń de, halyqtyń da qaryshty qadamdarmen alǵa basatyn shaǵy! Eldiń eń baǵaly ıgiligi – onyń turǵyndary, Qazaqstan halqy. Elbasynyń basty muraty – eldi aldyńǵy qatarly memleketter legine qosý, qazaq halqyn órkenıet bıigine kóterý. Nursultan Ábishuly osy jolda asqaq armanmen, qajyrly qaıratkerlikpen, talmas tabandylyqpen, shalqar shabytpen qyzmet atqaryp keledi. Halqynyń aqyl-oıyna bet burǵan basshynyń eń sońynda tabysqa jetpegeni joq ekenin Amerıka prezıdenti bolǵan Avraam Lınkoln aıtyp ketken. Tarıhta elin órge súırep, óshpes iz qaldyrǵan tulǵalar az emes. Qazir jańa úshinshi myńjyldyqtyń tarıhy jazylyp jatyr. Osy kezeńniń tarıhı tulǵasy, uly basshylardyń biregeıi – Elbasymyz Nursultan Nazarbaev.

Serikbaı NURǴISAEV,

Parlament Májilisiniń depýtaty, «NurOtan» partııasy fraksııasynyń múshesi, ekonomıka ǵylymdarynyń doktory, professor.