Kúmándi kásipkerler

Jambyldyq qarjy polısııasy qyz­­met­kerleri 33 myń lıtr kólemindegi etıl spırtin Shymkent qalasynan Almaty qalasyna apara jatqan «VOLVO» jáne «MAN» markaly 2 avtokólik júrgi­­­zýshileriniń jolyn kesti. Jedel izdestirý is-sharalaryn júrgizý barysynda qarjy polıseıleri azamat K. men azamat T.-nyń tirkemelerdegi suıyqtyń etıl spırti ekendigin anyqtady. Al etıl spırtiniń 1 lıtri naryqta 930 teńgege baǵa­lanady.

Jambyldyq qarjy polısııasy qyz­­met­kerleri 33 myń lıtr kólemindegi etıl spırtin Shymkent qalasynan Almaty qalasyna apara jatqan «VOLVO» jáne «MAN» markaly 2 avtokólik júrgi­­­zýshileriniń jolyn kesti. Jedel izdestirý is-sharalaryn júrgizý barysynda qarjy polıseıleri azamat K. men azamat T.-nyń tirkemelerdegi suıyqtyń etıl spırti ekendigin anyqtady. Al etıl spırtiniń 1 lıtri naryqta 930 teńgege baǵa­lanady.Demek, 33 myń lıtr etıl spırtiniń jalpy quny 30,7 mıllıonnan astam teńgeni quraıdy degen sóz.

Búginde kúdikpen ustalǵan kúmándi kásipkerler K. men T.-ǵa tirkeýden ótpegeni, arnaýly ruqsatsyz (lısenzııasyz) kóp mólsherde aksızdelinetin taýarlardy saqtaǵany jáne ony satý arqyly zańsyz kásipkerlik qyzmetpen aınalysqany úshin QK 190-babynyń 1-bólimi boıynsha qylmystyq is qoz­ǵaldy. Qazirgi kezde qylmystyq ister sot qaraýynda.

Jalpy, qarjy polısııasy departa­mentiniń qyzmetkerleri aǵymdaǵy jyl­dyń basynan beri kólemi 60 myń lıtr­ge jýyq etıl spırti túrindegi kontra­bandalyq taýarlardy qolǵa túsirdi. Onyń quny 56 mıllıonnan astam teńgeni qu­raıdy. «Aınalymnan» alynǵan 60 myńǵa jýyq lıtr kontrabandalyq spırtten «kóleńkeli bıznes» ókilderi sapasy nashar alkogoldik ónimniń 240 myńnan astam bótelkesin jasaýdy josparlapty. Al ony ishken júzdegen turǵyndardyń den­saý­lyǵy buzylatyny aıtpasa da túsinikti.

Kósemáli SÁTTIBAIULY,

«Egemen Qazaqstan».

Jambyl oblysy.