SQO Polısııa departamenti Krımınaldyq polısııa basqarmasynyń aqparaty boıynsha aǵymdaǵy jylǵy 9 aıdyń qorytyndysy boıynsha óńirde 514 ret páter urlyǵy bolǵan. Onyń ózi byltyrǵy sáıkes merzimdegi 736 –dan tómenirek, ıaǵnı 32 paıyzǵa azaıǵandaǵysy. Búgingi tańda ashylmaǵan 63 páter urlyǵy bar, dep habarlaıdy Egemen.kz.
Páterlerden, jeke úılerden, keńselerden, garajdardan urlaý -tirkeletin múliktik qylmystardyń basym bóligin quraıdy. Bul rette qylmys orny kamera nazaryna túspese, kýágerler bolmasa, jábirlenýshiler polısııaǵa birden júginbegen jaǵdaıynda, urlyqty ashý belgili ýaqyt pen resýrstardy qajet etedi.
Polısııa departamenti bastyǵynyń orynbasary, polısııa polkovnıgi Rýslan Nazarov qylmystyń bul túrin aldyn alýda ýchaskelik polısııa ınspektorlarynyń úı-úıdi aralaýy, kóshelerde jaıaý jasaqtardyń jáne patrýldik polısııa ekıpajdarynyń júrýi tıimdi ekenin atapótti. Kezekshiliktegi qyzmetkerler urylardyń áreketine toqsaýyl bolyp, jedel ýákildermen birge qylmyskerlerdi «izin sýytpaı» ustaýǵa qatysady. Krımınaldyq jáne patrýldik polısııamen qatar, páter urlyqtaryn ashýǵa jedel-krımınalıstıkalyq bólinisterdiń qyzmetkerleride septigin tıgizedi. Jyl basynan qylmys oryndarynan alynǵan aıaq kıim men buzyp kirý quraldarynyń izderi 50-den astam páter urlyǵynashýǵa kómektesti.
Sondaı-aq, úılerdiń kireberisinde domofon men beıne baqylaý kameralarynyń bolýy urlyqtyń aldyn alýda asa tıimdi. Urylar kameralarǵa nazar aýdarady. Kórshilerdiń qyraǵylyǵy, messendjerlerdegi ortaq chattar – múliktik qylmystardyń nátıjeli profılaktıkasy bolyp tabylady.
Soltústik Qazaqstan oblysy