Aqtóbe oblystyq ishki ister departamentiniń esirtkige qarsy kúres basqarmasy qyzmetkerleri Mártók aýdanyndaǵy Aqqaıyń aýylyndaǵy bir turǵyn úıdiń aýlasynan on túp qarasora ósimdigi men osy úıdiń saraıynan 2 kılogramm 300 gramm marıhýana tárkiledi, dep habarlaıdy Egemen.kz.
Qazirgi ýaqytta quramynda esirtkisi bar ósimdikterdi saqtaý jáne zańsyz ósirý derekteri boıynsha úı qojaıynynyń ústinen qylmystyq is qozǵalyp, ol qamaýǵa alyndy. Aqqaıyń aýylynda alańsyz qarasora ósirgen azamat endigi jerde Qylmystyq Kodekstiń "О́tkizý maqsatynsyz esirtki quraldarymen, psıhotroptyq zattarmen" jumys istegeni úshin jáne "Quramynda esirtki zattary bar ósirýge tyıym salynǵan ósimdikterdi zańsyz ósirý" baptarymen aıyptalyp, tergeý júrgizilýde.
Egerde qarasorany qandaı maqsatpen ósirgeni jáne saraıyna eki kılogrammnan asatyn marıhýanany ne úshin saqtaǵany anyqtalatyn bolsa, ol Qylmystyq Kodekstiń 296-babynyń 4-bóligimen úsh jyldan jeti jylǵa deıin merzimge qylmystyq jaza arqalaıtyn bolady.
Aıta ketý kerek, aqtóbelik polıseıler osy jyldyń basynan beri 500 kılogramnan asatyn esirtki zattaryn tárkiledi.
Aqtóbe oblysy