Soltústik Qazaqstan oblysynyń eki aýdan ortalyǵynda alty blokbeket qoıyldy, dep habarlaıdy Egemen.kz oblystyq polısııa departamentiniń baspasóz qyzmetine silteme jasap.
Tártip saqshylary taýarlar men qyzmetterdiń sapasy men qaýipsizdigin baqylaý bólimsheleriniń mamandarymen, dárigerler men ákimdik ókilderimen birlesip blokbeketterde kezekshilik etedi.
"Maǵjan Jumabaev aýdany Býlaev qalasynda blokbeketter 9 qazannan bastap qoıyldy. Qazir aýdan ortalyǵyna kirýdi birden tórt blokbekettiń qyzmetkerleri baqylaıdy. Mamlıýt aýdanynyń Mamlıýtka qalasynda eki blokbeket jumys isteıdi. 12 qazan kúni saǵat 00.00 - den bastap jumys isteı bastady", delingen habarlamada.
Esterińizge sala keteıik, 9 qazannan bastap Býlaev qalasy qatań karantınge jabyldy. Sonymen qatar, Maǵjan aýdanynda da karantın engizildi.