Jambyl oblysynda 11 mıllıard 20,2 mıllıon teńge ıgerilmeı qaldy
Oblys ákimi Qanat Bozymbaev bıýdjettik qarajatty ıgerýde oryn alǵan kemshilikter men ony ıgerýde týyndaǵan keıbir máseleler boıynsha keńes ótkizdi. О́ńir bıýdjetiniń qarjy-qarajaty jospar boıynsha 159 mıllıard 324,7 mıllıon teńge bolsa, 2013 jyldyń 1 qarashasyna deıin onyń 148 mıllıard 304,4 mıllıon teńgesi (93,1%) ıgerilipti. Igerilmegen qarjy kólemi – 11 mıllıard 20,2 mıllıon teńge. Onyń ishinde, jergilikti bıýdjet esebinen ıgerilmegen aqsha 3 mıllıard 520,7 mıllıon teńgeni quraıdy.
*Prezıdent tapsyrmasy qalaı oryndalýda?
Jambyl oblysynda 11 mıllıard 20,2 mıllıon teńge ıgerilmeı qaldy
Oblys ákimi Qanat Bozymbaev bıýdjettik qarajatty ıgerýde oryn alǵan kemshilikter men ony ıgerýde týyndaǵan keıbir máseleler boıynsha keńes ótkizdi. О́ńir bıýdjetiniń qarjy-qarajaty jospar boıynsha 159 mıllıard 324,7 mıllıon teńge bolsa, 2013 jyldyń 1 qarashasyna deıin onyń 148 mıllıard 304,4 mıllıon teńgesi (93,1%) ıgerilipti. Igerilmegen qarjy kólemi – 11 mıllıard 20,2 mıllıon teńge. Onyń ishinde, jergilikti bıýdjet esebinen ıgerilmegen aqsha 3 mıllıard 520,7 mıllıon teńgeni quraıdy.
Oblys bıýdjeti qarajattarynyń ıgerilmegen somalarynyń 66,9%-y damý bıýdjettik baǵdarlamalary boıynsha jınaqtalǵan. Demek, damý baǵdarlamalary boıynsha esepti merzimge arnalǵan jospar 78,5%-ǵa oryndalyp, 7 mıllıard 362,7 mıllıon teńge somasyndaǵy qarajat ıgerilmeı qalǵan. Onyń 61,1%-y nemese 4 mıllıard 494,1 mıllıon teńgesi qurylys, jolaýshylar kóligi jáne avtomobıl joldary basqarmasy boıynsha, 9,7%-y nemese 707,6 mıllıon teńgesi Taraz qalasy boıynsha, 6,2%-y nemese 454,5 mıllıon teńgesi Qordaı aýdany boıynsha, 5,7%-y nemese 414,2 mıllıon teńgesi Jambyl aýdany boıynsha, 5,1%-y nemese 371,5 mıllıon teńgesi energetıka jáne turǵyn úı-kommýnaldyq sharýashylyq basqarmasy boıynsha qordalanǵan.
Taqyryp aýany talap pen tártip turǵysynda ótken keńes qorytyndysynda eldiń áleýmettik jaǵdaıyn kóterip, qala men dalanyń ajaryn ashý úshin berilgen qarjyny ýaqtyly ıgere almaǵan basshylarǵa oblys ákimi sógis jarııalap, eskertý berdi. Mysaly, oblys ákimdiginiń qurylys, jolaýshylar kóligi jáne avtomobıl joldary basqarmasynyń bastyǵy R.Baıtelıevke jáne aýyl sharýashylyǵy basqarmasynyń bastyǵy A.Nuralıevke sógis jarııalasa, Talas (D.Rymtaev), Jambyl (R.Rysbaı) aýdandary men Taraz qalasynyń (B.Orynbekov) ákimderine eskertý berdi. Oblys ákimdiginiń energetıka jáne turǵyn úı-kommýnaldyq sharýashylyq basqarmasynyń bastyǵy J.Tuıaqov pen Qordaı aýdanynyń ákimi N.Kalenderovtiń jaýapkershilikteri eńbek demalysynan oralǵan soń qaralatyn boldy.
«Bas biletin ógizge «ók» degenniń ózi artyq». Ákimder men basshylarǵa da sógis alyp, eskertý estı bergen jaqsy emes. Sondyqtan eń abzaly – bólingen aqshany der kezinde ıgerý. О́ıtkeni, taıaq etten ótse, sóz súıekke jetedi.
Kósemáli SÁTTIBAIULY,
«Egemen Qazaqstan».
Jambyl oblysy.