Elimizde qoǵamdyq kólikterdi dezınfeksııalaý kezinde densaýlyqqa qaýipti zattarmen óńdeletini týraly aqparat áleýmettik jelilerde tarap ketti, dep habarlaıdy Egemen.kz
Densaýlyq saqtaý mınıstrliginiń Taýarlar men kórsetiletin qyzmetterdiń sapasyn baqylaý komıteti bul suıyqtyqtyń elimizde qoǵamdyq kólikti óńdeý úshin qoldanylatyny týraly aqparattyń shyndyqqa janaspaıtynyn aıtty.
Komıtettiń resmı ókili Erjan Baıtanaev: "Bul dezınfeksııalyq qural Qazaqstanda tirkelmegen. Bizde qoldanýǵa usynylǵan dezınfeksııalyq zattardyń tizilimi bar, onda "Prodez" joq. Ony elimizdiń birde-bir óńirinde paıdalanbaıdy", deıdi ol.
"Prodez" dep atalatyn qural Belarýstiń "BelAseptıka" zaýytynda shyǵarylady.
Fotoda qoldanylatyn zattyń qutysy kórsetilgen.
Ol Qazaqstanda qoldanylatyn barlyq dezınfeksııalaý quraly adam úshin qaýipsiz ekenin jáne eritindini daıyndaý úshin usynylatyn proporsııa kórsetilgen qoldaný jónindegi nusqaýlyq bar ekenin atap ótti.