Aǵymdaǵy jyldyń qyrkúıek aıynyń qorytyndysy boıynsha elordanyń 2,5 myńnan astam medısına qyzmetkeri ústemeaqy alady. Ústemeaqy 0,9 mlrd teńgeden asa somany quraıdy, dep habarlaıdy Egemen.kz
Qazirgi ýaqytta ústemaqy alatyndardyń tizimin óńirlerdegi arnaıy komıssııa jasaqtaýda. Tizim usynylǵannan keıin Qor aı saıynǵy qosymsha ústemeaqylaryn tóleýge kirisedi. Bul jumystardy 15 qazanǵa deıin aıaqtaý josparlanǵan. Nur-Sultan qalasy boıynsha ınfeksııa taraǵan qaýipti jaǵdaıda jumysqa tartylǵan medısına qyzmetkerleriniń sany epıdemıologııalyq jaǵdaıǵa baılanysty aı saıyn ózgerip otyrady. Mysaly, naýryzda koronavırýsqa qarsy kúres sharalaryna 1,9 myń medısına qyzmetkeri tartylsa, tamyz aıynda olardyń sany 5,5 myńǵa deıin ósti.
Aıǵa bólip qarastyrsa, elordadaǵy kórsetkish mynadaı:
naýryz aıynda 1 893 medısına qyzmetkerine 646 336 369 tenge ústemeaqy; sáýirde – 3 222 medısına qyzmetkerine 1 108 272 721 teńge ústemeaqy; mamyrda – 2 393 medısına qyzmetkerine 1 120 295 593 teńge ústemeaqy; maýsymda – 5 900 medısına qyzmetkerine 2 062 650 339 teńge ústemeaqy; shildede – 6 945 medısına qyzmetkerine 3393 115 623 teńge ústemeaqy; tamyzda – 5 513 medısına qyzmetkerine 1 915 665 654 teńge ústemeaqy tólendi;Memleket basshysy 2020 jylǵy 1 qyrkúıektegi Qazaqstan halqyna Joldaýynda COVID-19-ǵa qarsy kúres aıasynda epıdemııalyq sharalarǵa tartylǵan densaýlyq saqtaý uıymdarynyń qyzmetkerlerine ekinshi jarty jyldyqta yntalandyrý úshin ústemeaqy tóleýge 150 mlrd teńge bólýdi tapsyrǵan edi.
Atalǵan tapsyrmany oryndaý barysynda Qor osy jyldyń sońyna deıin medısına qyzmetkerlerine ústemaqy tóleý úshin qajetti qarjynyń boljamdy esebin jasady. Medısınalyq saqtandyrý qory pandemııa kezinde qıyn jaǵdaıda aldyńǵy shepte júretin medısına qyzmetkerlerine ýaqtyly ústemeaqy tóleý jumystaryn jalǵastyra beredi.