Qyrǵyzstan parlamenti el astanasyndaǵy tótenshe jaǵdaı rejımin alyp tastady, dep habarlaıdy Egemen.kz RIA Novostıge silteme jasap.
Depýtattar jappaı narazylyqtar aıasynda otstavkaǵa ketken prezıdent Sooronbaı Jeenbekov engizgen tótenshe jaǵdaı rejımin joıýǵa biraýyzdan daýys berdi.
Eske sala keteıik, Sooronbaı Jeenbekov 15 qazanda otstavkaǵa ketetinin málimdedi.
Konstıtýsııaǵa sáıkes, Memleket basshysy otstavkaǵa ketkennen keıin onyń ókilettigi parlament spıkerine kóshedi. Eger spıker mindetterin oryndaı almasa, onda respýblıkanyń premer-mınıstri Prezıdenttiń mindetin atqarýshy bolady. Beısenbi kúni Qyrǵyzstan premer-Mınıstri Sadyr Japarov óz jaqtastarynyń aldynda sóılegen sózinde el spıkeri Qanat Isaev prezıdent mindetin atqarýdan bas tartqanyn jáne barlyq ókilettikter Mınıstrler Kabınetiniń basshysyna aýysqanyn málimdedi.