Qazaqstan men Reseı qorǵanys vedomstvo basshylarynyń kezdesýinde qorǵanys aýqymyndaǵy strategııalyq seriktestik pen yntymaqtastyqty budan ári damytý daıarlyǵy bekitildi, dep habarlaıdy Egemen.kz mınıstrliktiń baspasóz qyzmetine silteme jasap.
Búgin Nur-Sultanda Qazaqstannyń Qorǵanys mınıstri Nurlan Ermekbaev reseılik áriptesi Sergeı Shoıgýmen elimizge kelgen resmı sapary barysynda kezdesti.
Qurylymdyq dıalog barysynda olar óńirlik qaýipsizdikti qoldaý jáne qamtamasyz etý jóninde pikir almasty.
Taraptar Qazaqstan men Reseıdiń ekijaqty áskerı jáne áskerı-tehnıkalyq yntymaqtastyqtyń aǵymdaǵy jaǵdaıyn talqylap, aldaǵy ýaqyttardaǵy anaǵurlym ózekti baǵyttardy aıqyndady.
Eki el arasyndaǵy qorǵanys yntymaqtastyǵy túrli aýqymdaǵy joǵary deńgeıdegi ózara is-qımylmen sıpattalatynyn atap ótken jón.
Qazaqstan Respýblıkasynyń Reseı Federasııasymen qatynasy baýyrlas elder arasyndaǵy kópjosparly strategııalyq yntymaqtastyǵynyń mańyzdy baǵyttarynyń biri bolyp tabylady.
"Ekijaqty nysandaǵy is-sharalarǵa ǵana emes, sonymen qatar UQShU, ShYU, TMD sııaqty kópjaqty yntymaqtastyq aıasyndaǵy is-sharalaryna da belsendi qatysamyz. Qorǵanys vedomstvo basshylary orynbasarlarynyń deńgeıinde qurylǵan qorǵanys keńes berý ınstıtýty qurylym retinde qyzmet kórsetip, qol jetkizgen senimhattaryn iske asyrýda túzetýge jáne basymdyqtaryn kórsetýge múmkindik beredi", – dep QR Qorǵanys mınıstri atap ótti.
Qazaqstan men Reseı óńirlik qaýipsizdik múddesinde olardyń strategııalyq seriktestiktegi mańyzdylyǵyn qarastyra otyryp, óziniń qorǵanys jáne áskerı-tehnıkalyq aýqymdaǵy baılanysyn turaqty túrde jetildiredi.
Ekijaqty yntymaqtastyqtyń basty elementi birlesken jaýyngerlik daıarlyq,áskerı-tehnıkalyq yntymaqtastyq jáne kadrlar daıarlaý máseleleri bolyp qalýda.
Bıyl sanıtralyq-epıdemıologııalyq jaǵdaılarǵa baılanysty qazaqstandyq áskerıler "ArHO-2020" konkýrstaryna tolyq qatysýǵa múmkindigi bolmady. Sonda da qazaqstandyqtar tarapy aldaǵy halyqaralyq armııa oıyndaryna qatysýǵa qyzyǵýshylyq tanytyp otyr, sondaı-aq 2021 jyly uıymdastyrýshy el retinde qatysýǵa daıyn.
Qazaqstan men Reseı arasyndaǵy áskerı-tehnıkalyq yntymaqtastyq sheńberiniń joǵary deńgeıi baıqaldy, bul qarý-jaraq pen áskerı tehnıkany qoıý boıynsha birlesken jobalardy tolyq júzege asyrýǵa múmkindik beredi. О́tken jyldary Qazaqstannyń Qarýly Kúshteri reseıden shyqqan avıasııa tehnıkalaryn, ÁShQQ quraldaryn, áskerı-teńiz kúshteriniń jaraqtaryn, oq-dáriler men zapastardyń aıtarlyqtaı birligin satyp aldy.
Qazaqstannyń Qorǵanys mınıstrligi joǵary jáne joǵary bilim alǵannan keıin bilim alý baǵdarlamalar boıynsha Reseı Qorǵanys mınıstrliginiń áskerı oqý oryndarynda áskerı kadrlardy daıarlaýǵa, sondaı-aq Reseı Federasııasy Qarýly Kúshteriniń mamandandyrylǵan oqý-jattyǵý ortalyqtarynyń bazasyna mamandardy jiberýge budan ári de múddeli.
Jańa oqý jylynda reseılikter tarapynan qazaqstandyq áskerı qyzmetshilerdi oqytýǵa barynsha kóp kvota bólingenin atap ótken jón.
Qazaqstannyń Qorǵanys mınıstri reseılik áriptesterimen áńgime barysynda reseılik áskerı dárigerlerdiń eńbegin erekshe atap ótti. Aıta ketsek, aǵymdaǵy jyldyń tamyzynda RF QK áskerı dárigerlerinen quralǵan top ózderiniń qazaqstandyq áriptesterine praktıkalyq jáne metodologııalyq qoldaý kórsetti, bul ulttyq áskerı medısınalyq qyzmette COVID-19 vırýsymen syrqattanǵan pasıentterdi emdeýde álemdik ozyq tájirıbeni ekshep, epıdemıologııalyq sharalardyń keń sheńberin zerdeleýge múmkindik berdi.
- Asa qajet bolǵanda Reseı Federasııasy taratynan kórsetilgen kómegin joǵary baǵalaımyz. Sondaı-aq Qazaqstan Respýblıkasy Qarýly Kúshteriniń medısınalyq múlikti jetkizýde jáne aǵymdaǵy jyldyń tamyzynda áskerı medısınalyq brıgadalardy jiberýde kórsetilgen kómekke alǵys bildiremin, – dedi Nurlan Ermekbaev.
Qazaqstan men Reseı qorǵanys mınıstrleriniń kezdesý qorytyndysy boıynsha Qazaqstan Respýblıkasy men Reseı Federasııasy arasyndaǵy áskerı yntymaqtastyq týraly jańartylǵan shartqa qol qoıyldy.
Atalǵan shart kúshinen engen sátten bastap, negizgi erejeleri iske asyrylǵan, 1994 jyly 28 naýryzda qol qoıylǵan Qazaqstan Respýblıkasy men Reseı Federasııasy arasyndaǵy burynǵy shart kúshin joıady.
О́tken jyldardaǵy memleket aralyq qujattarda qarastyrylǵandaı, Áskerı yntymaqtastyqtyń jańartylǵan shart erejelerine sáıkes kadrlardy daıarlaý, qarý-jaraq pen tehnıkany qoıý, birlesken ekijaqty jáne kóp jaqty oqý-jattyǵýlarǵa, áskerlerdi jaýyngerlik daıarlyq sharalaryna qatysý keń aýqymda júzege asyrylady.
Jańartylǵan shart sondaı aq halyqaralyq uıymdar aıasyndaǵy ózara is qımyl, bitimgershilik qyzmet, óńirlik qaýipsizdik qaterlerine qarsy is qımyl, mádenıet jáne sport qyzmetteri engizilgen ózara is qımyldyń jańa baǵyttary men nysandarymen tolyqtyryldy.
Aıta keteıik, shart erejelerin damytýda úsh jyldyq kezeńge áskerı aýqymdaǵy Strategııalyq seriktestik baǵdarlamasy ázirlenedi. Ol seriktes memleketter umtylatyn baǵyttardy anyqtaıdy jáne birlesken is-sharalardyń jyldyq josparlaryn daıarlaýǵa negiz bolyp tabylady.
Kelissózder nátıjeleri boıynsha, sonymen qosa mynadaı ekijaqty qujattarǵa: Qazaqstan Respýblıkasynyń Qorǵanys mınıstrligi men Reseı Federasııasynyń Qorǵanys mınıstrligi arasynda Tamaqtanýdy uıymdastyrý kezindegi ózara esep tártibi jáne 2021 jylǵa arnalǵan Qazaqstan Respýblıkasy men Reseı Federasııasy qorǵanys mınıstrlikteri arasyndaǵy ekijaqty áskerı yntymaqtastyq jospary týraly kelisimderge qol qoıyldy.