Oblystyq Tótenshe jaǵdaılar departamentiniń Azamattyq qorǵaý salasyny baqylaý basqarmasynyń qyzmetkerleri kóliktegi órtterdiń aldyn alý boıynsha reıdtik is-shara ótkizdi, dep habarlaıdy Egemen.kz.
Basqarma qyzmetkerleri osy jyly kóliktegi órtterdiń sany ótken jylmen salystyrǵanda azaıǵanyn atap ótti.
Máselen, bıyl jyldyń basynan beri avtokólik quraldarynyń 71 janý jaǵdaıy tirkelse, al ótken jyldyń osy kezeńinde avtomobıl quraldarynyń 88 órti oryn alǵan.
- Bul is - shara avtokóliktegi órtterdiń aldyn alý maqsatynda ótkiziledi, - deıdi basqarmanyń bas mamany Aınur Asqarova. - О́rtterdiń paıda bolýynyń negizgi sebepteri elektr symdarynyń tuıyqtalýy men qystygúni mashınany qyzdyrǵan kezde ashyq otty paıdalaný bolyp tabylady.
Departament qyzmetkerleri órt sóndirgishterdiń bolýyn jáne jaramdylyǵyn, sondaı-aq avtokólik júrgizýshileriniń órt sóndirgishti qoldaný týraly bilimin tekseredi.
Janǵysh materıaldardyń, janǵysh ortanyń paıda bolýyna qolaıly jaǵdaılardyń, sondaı-aq janý kózderiniń bolýy avtomobıldiń órt qaýiptiligin týdyrady.
Janǵysh materıaldar avtomobıl salonynda da bolady. Olar bylǵary, plastmassa, toqylǵan jabyndylar jáne basqa da ónimder. Kóliktiń keıbir markalarynda olardyń jalpy salmaǵy júz keliden asýy múmkin.
Basqarma qyzmetkerleri avtokólik júrgizýshilerine avtokólikte órt shyqqan kezdegi is-áreketter boıynsha paıdaly keńester berdi.
- Eger mashınanyń astyna tógilgen otyn tutanǵan bolsa, órt sóndirgishti paıdalaný kerek, untaqty nemese kóbikti ottyń shetinen ortasyna qaraı baǵyttańyz, - deıdi mamandar. - Kapot astyndaǵy órtti aldyn ala ashyp sóndirý kerek. Ol úshin kapotty taıaqtyń kómegimen nemese qoldaryńyzdy matamen orap ashý kerek.
О́rt sóndirgishti neǵurlym qarqyndy janý oshaǵyna baǵyttaý nemese jalyndy qummen, qarmen, topyraqpen laqtyrý, sý quıý, brezentpen jabý qajet. Eger qoldaryńyz benzınge malynǵan bolsa nemese kıimińiz maıly bolsa, otqa jaqyndamańyz – bul óte qaýipti. Eger órtti tez joıý múmkin bolmasa, onda janyp jatqan avtomobılden qaýipsiz qashyqtyqqa ketý kerek, óıtkeni janarmaı bagynyń jarylý múmkindigi bar. Qaýipti aımaqtyń radıýsy shamamen 10 metr, sondyqtan, kóliktiń aınalasynda bógde adamdar bolmaýy kerek. Birinshi kezekte "101" nómiri boıynsha órt sóndirýshilerdi shaqyrý qajet.
Oblystyq Tótenshe jaǵdaılar departamenti barlyq avtokólik ıelerin órt qaýipsizdigi erejelerin saqtaýǵa shaqyrady.
Pavlodar oblysy