Kásipqoı boksta eń beldi uıymnyń biri sanalatyn Búkilálemdik boks keńesi (WBC) aldaǵy ýaqytta kásipqoılar arasynda jańa salmaq qosylatynyn málimdedi.
Uıymnyń habarlaýynsha, jańa salmaq aýyr jáne asa aýyr salmaq dárejeleriniń arasynda bolmaq. Iаǵnı dárejesi 86,2 kılodan bastalyp, eń shekti shegi 101,6 kılo dep belgilengen. Endi asa aýyr salmaqtaǵy boksshylar 101 kılodan joǵary salmaqta judyryqtasady.
Aıta keteıik, jańa salmaq dárejesi WBC uıymynda birneshe aıdan beri keń kólemde talqylanyp kele jatqan-dy. Atalǵan uıymnyń prezıdenti Maýrısıo Sýleımannyń aıtýynsha, ózge de boks uıymdary bul salmaqty qoldaıtynyn nemese qoldamaıtynyn aıtyp daýys bergen.