QR Premer-Mınıstri Asqar Mamınniń tóraǵalyǵymen ótken Úkimet otyrysynda ındýstrııa jáne ınfraqurylymdyq damý mınıstri Beıbit Atamqulov halyqty dári-dármektermen jáne medısınalyq buıymdarmen qamtamasyz etý týraly baıandady.
B. Atamqulov atap ótkendeı, 9 aıdyń qorytyndysy boıynsha farmasevtıka ónerkásibindegi óndiris kólemi 39,8% ósti.
"О́sim "SK-Farmasııa" biryńǵaı dıstrıbıýtory arqyly tegin medısınalyq kómektiń kepildendirilgen kólemi sheńberinde dárilik zattar men medısınalyq buıymdardy jetkizýdiń ulǵaıýymen qamtamasyz etildi», — dedi mınıstr. Elimizdiń farmasevtıka ónerkásibinde dárilik zattar men medısınalyq buıymdardy óndirýdi 96 kásiporyn júzege asyrady. Búginde otandyq taýar óndirýshiler dárilik zattar men medısınalyq buıymdardyń 5 042 myń ataýyna 88 uzaq merzimdi shart jasady. Otandyq kásiporyndar táýlik saıyn 900 myń maska shyǵarýda. Qoımalarda 18 mln maska bar. Bul rette, kásiporyndardyń óndiris qýattylyǵy táýligine 1,2 mln danaǵa deıin medısına maskasyn shyǵarýǵa múmkindik beredi. Kún saıyn 330 myń jup perchatka shyǵarylady. Qoımalarda 7 mln asa jup perchatka bar. Aǵymdaǵy jyldyń qarasha aıynda onyń qýattylyǵy táýligine 530 myń jupqa deıin ulǵaıtylatyn bolady. Búginde 6 otandyq kompanııa aıyna 504 myń qorǵanys kostıýmin shyǵarady. Jyl sońyna deıin onyń qýattylyǵy 1 mln deıin arttyrylatyn bolady. «Indettiń ekinshi tolqyny jaǵdaıynda farmasevtıka salasynyń kásiporyndary dárilik zattardyń qajetti kólemin qamtamasyz etýge daıyn", — dedi B. Atamqulov.