Qazaqstan Respýblıkasy Tutynýshylardyń quqyqtaryn qorǵaý agenttigi týraly
Qazaqstan Respýblıkasy Tutynýshylardyń quqyqtaryn qorǵaý agenttigi týraly
Qazaqstan Respýblıkasy Konstıtýsııasynyń 44-babynyń 3) tarmaqshasyna sáıkes qaýly etemin:
1. Qazaqstan Respýblıkasy Densaýlyq saqtaý mınıstrligi Qazaqstan Respýblıkasy Tutynýshylardyń quqyqtaryn qorǵaý agenttigin (budan ári – Agenttik) bólý jolymen oǵan:
1) Qazaqstan Respýblıkasy Básekelestikti qorǵaý agenttiginen (Monopolııaǵa qarsy agenttik) – tutynýshylardyń quqyqtaryn qorǵaý;
2) Qazaqstan Respýblıkasy Densaýlyq saqtaý mınıstrliginen – halyqtyń sanıtarııalyq-epıdemıologııalyq salamattylyǵy;
3) Qazaqstan Respýblıkasy Indýstrııa jáne jańa tehnologııalar mınıstrliginen – tutynýshylarǵa ótkiziletin ónimder men kórsetiletin qyzmetter boıynsha tehnıkalyq reglamenttermen jáne normatıvtik qujattarmen belgilengen talaptardyń saqtalýyn, sondaı-aq taǵam ónimderin ótkizý satysynda onyń qaýipsizdigi salasyn baqylaýdy jáne qadaǵalaýdy júzege asyrý salasyndaǵy fýnksııalar men ókilettikter berile otyryp, qaıta uıymdastyrylsyn.
2. Qazaqstan Respýblıkasynyń Úkimeti:
1) Qazaqstan Respýblıkasy Densaýlyq saqtaý mınıstrliginiń Memlekettik sanıtarııalyq-epıdemıologııalyq qadaǵalaý komıtetin (budan ári – Komıtet) taratsyn;
2) taratylatyn Komıtettiń jáne joǵaryda kórsetilgen memlekettik organdardyń tıisti shtat sanyn jańadan qurylǵan Agenttikke berýdi qamtamasyz etsin;
3) taratylatyn Komıtettiń quqyqtary men mindetteri boıynsha Agenttikti quqyqtyq mırasqory dep belgilesin;
4) Agenttikti tutynýshylardyń quqyqtaryn qorǵaý jáne halyqtyń sanıtarııalyq-epıdemıologııalyq salamattylyǵy salasyndaǵy ýákiletti organ dep belgilesin, sondaı-aq oǵan tutynýshylardyń quqyqtaryn qorǵaý jáne halyqtyń sanıtarııalyq-epıdemıologııalyq salamattylyǵy salasyndaǵy memlekettik saıasatty iske asyrýdy qamtamasyz etý boıynsha memlekettik organdardy salaaralyq úılestirýdi júzege asyrý jónindegi fýnksııalar berilsin;
5) 2013 jyldyń sońyna deıin tutynýshylardyń quqyqtaryn qorǵaý salasyndaǵy memlekettik saıasattyń negizgi baǵyttaryn jetildirý boıynsha usynystar tujyrymdasyn;
6) osy Jarlyqty iske asyrý jónindegi ózge de qajetti sharalardy qabyldasyn.
3. «Qazaqstan Respýblıkasy Úkimetiniń qurylymy týraly» Qazaqstan Respýblıkasy Prezıdentiniń 1999 jylǵy 22 qańtardaǵy №6 Jarlyǵyna mynadaı tolyqtyrý engizilsin:
1-tarmaq mynadaı mazmundaǵy jolmen tolyqtyrylsyn:
«Qazaqstan Respýblıkasy Tutynýshylardyń quqyqtaryn qorǵaý agenttigi».
4. Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin.
5. Osy Jarlyq qol qoıylǵan kúninen bastap qoldanysqa engiziledi.
Qazaqstan Respýblıkasynyń Prezıdenti N.NAZARBAEV.
Astana, Aqorda, 2013 jylǵy 13 qarasha. № 691