Saýd Arabııasy Birikken Ulttar Uıymy Qaýipsizdik Keńesiniń turaqty emes múshesi bolýdan bas tartty. Bul týraly ITAR-TASS habarlady.
BUU Bas hatshysy Pan Gı Mýn Saýd Arabııasy tarapynan Qaýipsizdik Keńesindegi usynylǵan orynnan bas tartý jóninde hat aldy. Hatqa Saýd Arabııasy Syrtqy ister mınıstrligimen jazylǵan aryz japsyrylǵan. Onda Qaýipsizdik Keńesiniń Sırııadaǵy janjal men Palestınadaǵy máseleni sheshýde qaýqarsyz ekeni jazylǵan.
Endi BUU 2014-2015 jyldarǵa Qaýipsizdik Keńesiniń turaqty emes múshesi bolýdy basqa elge usynady. Ázirge belgili bolǵandaı, 1965-1966 jáne 1982-1983 jyldary Qaýipsizdik Keńesine múshelik etip kórgen Iordanııa memleketi bul joly da búkilálemdik uıymnyń múshesi atanýy múmkin.
«Sheshilmeı otyrǵan birqatar suraq bar, alaıda, Keńestegi orynǵa múshe bolýǵa Iordanııa basty úmitker retinde qaralyp otyr», – dep málimdedi ITAR-TASS agenttigiń BUU shtab-páterindegi aqparat kózi.
Aıdar О́risbaev.