Taıaq laqtyrsań, ekonomıst pen zańgerge tıedi

«Qazmedıa ortalyǵy» ǵımaratynda Ortalyq kommýnıkasııalar qyzmetiniń shaqyrýymen Parlament Májilisiniń depýtaty, Zańnama jáne sot-quqyqtyq reforma komıtetiniń múshesi Muhtar Tinikeev brıfıng ótkizdi.

Brıfıngte aıtylǵan negizgi másele – Memleke basshysy Nursultan Nazarbaevtyń 11 qazanda Úkimettiń keńeıtilgen otyrysynda mindettegen tapsyr­­­­malarynyń oryndalý barysy boldy. Jýrnalıstermen júzdesýde depýtat Elbasy syn tezine salǵan faktilerge toqtala kelip, jyl saıyn respýblıka júzinde oryn alatyn jobalardyń qymbattaýyna baılanys­ty qosymsha qarjydan 60 mlrd. teńge jumsalatynyn alǵa tartty.

* Prezıdent tapsyrmasy qalaı oryndalýda?

«Qazmedıa ortalyǵy» ǵımaratynda Ortalyq kommýnıkasııalar qyzmetiniń shaqyrýymen Parlament Májilisiniń depýtaty, Zańnama jáne sot-quqyqtyq reforma komıtetiniń múshesi Muhtar Tinikeev brıfıng ótkizdi.

Brıfıngte aıtylǵan negizgi másele – Memleke basshysy Nursultan Nazarbaevtyń 11 qazanda Úkimettiń keńeıtilgen otyrysynda mindettegen tapsyr­­­­malarynyń oryndalý barysy boldy. Jýrnalıstermen júzdesýde depýtat Elbasy syn tezine salǵan faktilerge toqtala kelip, jyl saıyn respýblıka júzinde oryn alatyn jobalardyń qymbattaýyna baılanys­ty qosymsha qarjydan 60 mlrd. teńge jumsalatynyn alǵa tartty.

Jáne, ókinishke qaraı, ol soma jyl saıyn artyp otyrǵanyna qynjylysyn bildirgen depýtat: –Jobalardyń qymbattaýy para alý esebinen bolyp otyr. Bul eshkim úshin de qupııa emes, – dedi. – Biz eger de el bıýdjetin 3 jyldyq etip bekitsek, nege tenderlerdi de sol merzimde bir ret ótetin etpeımiz. Sonda tenderge qatysýshy óziniń 3 jyl boıyna atqaratyn jumysy barlyǵyna senimdi bolar edi jáne bankter de olarǵa nesıe berýge qulyq tanytar edi.

M.Tinikeev ári qaraı: «Al kommersant ne isteıdi? Ol tender ótkizetin sheneýnikke qarajattyń 10-15 paıyzyn berýge májbúr. Sondyqtan osyndaı jaǵdaı týyndap otyr. Nelikten bizde turǵyn úı qymbat? О́ıtkeni, taǵy da bizdiń sheneýnikter para alady, – dedi túpki oıyn jasyrmaı. – Árıne, men barlyǵy birdeı osyndaı dep aıtýdan aýlaqpyn, biraq osynyń bar ekeni de shyndyq. Sondyqtan da, Prezıdent mem­­­­­­­­­lekettik organ­­dardyń jetekshileri men ákim­­derge bul komıssııalarǵa ózde­ri tór­aǵalyq etýi qajettigin tike­­leı aıtty. Birinshi basshy jaýap­kershilikti moıny­na alýy tıis. Aqmola oblysynda, máse­­len, 1200 oryndyq mekteptiń qury­lysy 900 oryndyq mektepten shama­men 300 mln. teńgege arzanǵa túsken. Al Aty­raý oblysynda-aý deımin, aýrýhana qury­lysy 150 mln. teńgege qymbatqa túsken».

Osylaı degen M.Tinikeev taǵy bir mańyzdy jaıtqa toqtaldy. Ol elimizdiń JOO-larynda oqıtyn stýdentterdiń bilimine qatysty boldy. «Bizdiń qazir joǵary oqý oryndaryna «Antıplagıat» baǵdar­­lamasyn engizýimiz qajet. Bizde stýdentterdiń kóp bóligi­niń kýrstyq jumystardy ınter­netten alatyny tipti de jasy­ryn emes. Bolashaq mamandar oqýlaryn támamdaǵan soń dıplom­dyq jumysty da ınternet­ten kóshirip alady. Al «Antıp­la­gıat» baǵdarlamasy iske qosylsa, jumystyń qaıdan, qalaı alyn­ǵan­dyǵy, kimniń jazǵandyǵy bir­den kóriner edi. Eger osy baǵdar­lamany shyndap qolǵa alsaq qana bilimdi tek myqtylar, tipti, saý­saq­pen sanarlyq qana adamdar alyp, osylaısha qazirgideı óz mamandyǵyn tolyq meńgermegen ma­mandardy toǵytý toqtatylady. Jalpy, bizge osynshama zańger men qarjy­ger­ler­diń keregi qansha? Búginde taıaq tas­ta­sań, ekonomıst pen zańgerge tıedi», dedi ol.

Depýtat brıfıng sońynda jýrnalıster tarapynan qoıylǵan saýaldarǵa jaýap berdi.

Anar TО́LEÝHANQYZY,

«Egemen Qazaqstan».