Halyqaralyq Túrki álemi zertteýleri sımpozıýmynyń jumysy "Ortaq túrki tarıhynyń jazylýy" atty paneldik sessııamen ashyldy, dep habarlaıdy Egemen.kz
Onlaın formatta uıymdastyrylǵan jıynǵa Halyqaralyq Túrki akademııasy prezıdentiniń orynbasary, PhD Ashat Kesikbaı, Túrkııanyń Fyrat ýnıversıtetiniń professory Ahmed Býran, Nııde О́mer Halısdemır ýnıversıtetiniń prorektory, professor Ilııas Gókhan men atalǵan joǵary oqý ornynyń professory Hıkmet Qorash qatysty.
Basqosýdy Ahmed Býran ashyp, júrgizip otyrdy. Túrkııalyq ǵalym óz sózinde ortaq túrki tarıhynyń jazylýynyń máni men mańyzyna keńirek toqtalyp ótti.
О́z kezeginde Halyqaralyq Túrki akademııasy basshysynyń orynbasary Ashat Kesikbaı ózi qyzmet atqaratyn uıymǵa túrki álemine ortaq túrki tarıhyn oqýlyǵyn ázirleý mindeti júktelgenin jáne ony akademııa oryndap shyqqanyn tilge tıek etti.
Osy oraıda aıta keteıik, Túrki Keńesine múshe memleketter basshylarynyń tapsyrmasymen Halyqaralyq Túrki akademııasy ázirlegen "Ortaq túrki tarıhy" oqýlyǵy Ázerbaıjan, Qazaqstan jáne Túrkııa mektepteriniń baǵdarlamasyna engizile bastady.
Bıylǵy jyly "Ortaq túrki tarıhy" pánin fakýltatıv retinde Túrkııada 30 myń oqýshy, Qazaqstanda 15 myń oqýshy, Ázerbaıjanda 10 myń oqýshy tańdady. Oqýlyq ejelgi dáýirden bastap XV ǵasyrǵa deıingi kezeńdi qamtıdy. Oqý quralynda túrki halyqtary qurǵan memleketterdiń tarıhymen birge olardyń dástúrleri, mádenıeti jáne ulttyq oıyndardyń paıda bolý tarıhy jan-jaqty kórsetilgen.
Basqosýda sóz alǵan ózge de ǵalymdar túrki dúnıesiniń mádenıeti de, mádenı murasy da ortaq ekendigine toqtaldy. Izdenýshilerdiń paıymdaýynsha, ony ortaq zerttep-zerdeleý barsha túrki jurty úshin úlken olja, sarqylmas qazyna bolary anyq.