Qazaqstan – AQSh: áskerı saladaǵy baılanystar

Qazaqstan Respýblıkasynyń Qorǵanys mınıstri Ádilbek Jaqsybekov resmı saparmen Amerıka Qurama Shtattarynda júr. Vashıngtonda Qazaqstan Qorǵanys vedomstvosynyń basshysy óziniń amerıkalyq áriptesi – AQSh Qorǵanys mınıstri Charlz Heıgelmen kezdesti.

Ekijaqty kezdesý kezinde Qa­zaqstan men AQSh qorǵanys ve­domstvolarynyń basshylary áskerı jáne áskerı-tehnıkalyq yntymaqtastyqtyń búgingi jaǵ­daıy men keleshek damýyn tal­qylady.

– Amerıka Qurama Shtattary Qazaqstan úshin strategııalyq se­riktes bolyp tabylady. Qazaq­stan men AQSh prezıdentteri ara­syndaǵy júıeli kezdesýler, sondaı-aq, beıbitshilik pen turaqtylyqty nyǵaıtý máseleleri boıynsha jalpy túsinýshilik bizdiń elder arasyndaǵy qarym-qatynastyń tereńdeı túsýine yqpal etedi.

Qazaqstan Respýblıkasynyń Qorǵanys mınıstri Ádilbek Jaqsybekov resmı saparmen Amerıka Qurama Shtattarynda júr. Vashıngtonda Qazaqstan Qorǵanys vedomstvosynyń basshysy óziniń amerıkalyq áriptesi – AQSh Qorǵanys mınıstri Charlz Heıgelmen kezdesti.

Ekijaqty kezdesý kezinde Qa­zaqstan men AQSh qorǵanys ve­domstvolarynyń basshylary áskerı jáne áskerı-tehnıkalyq yntymaqtastyqtyń búgingi jaǵ­daıy men keleshek damýyn tal­qylady.

– Amerıka Qurama Shtattary Qazaqstan úshin strategııalyq se­riktes bolyp tabylady. Qazaq­stan men AQSh prezıdentteri ara­syndaǵy júıeli kezdesýler, sondaı-aq, beıbitshilik pen turaqtylyqty nyǵaıtý máseleleri boıynsha jalpy túsinýshilik bizdiń elder arasyndaǵy qarym-qatynastyń tereńdeı túsýine yqpal etedi.

Yntymaqtastyqtyń mańyzdy aspektileriniń biri – áskerı saladaǵy ózara is-qımyl, – dedi Á.Jaqsybekov.

Qazirgi kezde Qazaqstan men AQSh qorǵanys yntymaqtastyǵy uzaq merzimdi sıpat alǵan jáne besjyldyq josparlaý negizinde júrgiziledi (Anyqtama: 2013-2017 jyldarǵa arnalǵan yntymaq­tastyqtyń bes jyldyq josparyna 2012 jyly qarasha aıynda Vashıngton qalasynda qol qoıyldy). Qazaqstan – Amerıka áskerı yntymaqtastyǵy bitim­ger­lik pen áskerı bilim sııaqty salalarda damýda.

Taraptar Aýǵanstan men Orta­lyq Azııada turaqtylyq pen qaýipsizdikti saqtaý máse­le­lerin talqylady. Qazaqstan Aýǵanstandaǵy jaǵdaıdy turaq­tan­dyrý jónindegi halyqaralyq bastamalardy qoldaıdy jáne belsendilik tanytady, dedi Á.Jaq­sybekov.

– Bizdiń eldiń Prezıdenti Nur­sultan Nazarbaevtyń bas­tamasymen Qazaqstan Aýǵan­stan­ǵa ekonomıkalyq jáne gý­ma­nıtarlyq kómek kórsetýde. Qazaqstan qorǵanys vedomstvosy Qazaqstannyń Aýǵanstanǵa járdem berý jónindegi saıasatynyń júzege asyrylýyna qatysady. Biz aımaqtaǵy basqa da elderge yqtımal qaterlerge qarsy turý sheńberinde qorǵanys qabileti men qaýipsizdiginiń artýyna qoldaý kórsetemiz, – dedi Qazaqstannyń Qorǵanys mınıstri.

О́z kezeginde Ch.Heıgel Qazaq­stannyń Aýǵanstandaǵy jaǵ­daı­dy turaqtandyrýǵa qosyp otyr­ǵan zor úlesin atap ótti. Ol, sondaı-aq, Amerıka tarapy Qazaqstan Qarýly Kúshterimen yntymaqtastyqty kadrlar daıarlaý, birlesken jattyǵýlar ótkizý, sondaı-aq, qorǵanys-ónerkásip kesheni salasynda jalǵastyrýǵa múddeli ekenin aıtty.

Búgin Qazaqstan Qarýly Kúsh­teriniń damýyn belgileıtin úrdis onyń kásibılendirilýi bolyp tabylady. Qazaqstan Respýblıkasy Qarýly Kúshteri Joǵarǵy Bas qolbasshysynyń tapsyrmasy bo­ıynsha áskerı vedomstvo quramy men qurylymy jaǵynan teń, kez kelgen qaýip-qaterge qarsy tura alatyn, joǵary jaýyngerlik daıarlyǵy bar zamanaýı armııa quryp, kásibı negizge kóshýdi aıaqtaý kezeńinde tur.

– AQSh Qarýly Kúshteriniń áskerdi kásibılendirýde jaqsy tájirıbesi bar. Osyǵan baılanysty bizge kadr saıasatynda, personaldardy jınaý ádisinde, bıýjettik jos­parlaý men áleý­mettik qamtamasyz etýdiń erek­she­likterin zerdeleýde tájirıbe almasý qajet. Sóz joq, kez kelgen qaıta uıymdastyrý kadrlyq áleýetke baılanysty jáne biz úshin qazaqstandyq áskerı qyzmetshilerdi AQSh-tyń oqý oryndarynda oqytý mańyzdy. Biz amerıkalyq jáne qazaqstandyq áskerı oqý oryndarynyń yn­tymaqtastyǵyna múddelimiz jáne áskerı ǵylym salasyndaǵy ózara is-qımylǵa daıynbyz, – dedi Á.Jaqsybekov.

Eki el qorǵanys vedomstvolary­nyń basshylary áskerı-teh­nı­kalyq yntymaqtastyq, onyń ishinde qorǵanys-ónerkásibi sa­lasyndaǵy qarym-qatynasty damytý máselelerin de talqylady.

О́z kezeginde Qazaqstan Qor­ǵanys mınıstri AQSh-tyń Qor­ǵanys mınıstrligi men qorǵanys-ónerkásibi keshenderiniń ókilderin «KADEX-2014» halyqaralyq qarý-jaraq jáne áskerı múlik kórmesine qatysýǵa shaqyrdy.

Qorǵanys mınıstri bastaǵan qazaqstandyq áskerı delegasııa General Atomic, Boeing Defense, OshKosh, Lockheed Martin, Sikorsky sııaqty AQSh qorǵanys-ónerkásibi keshenderine kiretin jetekshi kom­panııalardyń ókilderimen kez­desti. Á.Jaqsybekov olarmen birqatar ekijaqty kezdesýler ótkizip, ózara tıimdi yntymaqtastyq máselelerin talqylady.

Sodan keıin Á.Jaqsybekovtiń qatysýymen AQSh Strategııalyq jáne halyqaralyq zertteýler ortalyǵynda dóńgelek ústel ótip, Aýǵanstannan koalısııalyq kúshter shyǵarylǵannan keıingi bolýy yqtımal oqıǵalar ssenarııi máseleleri talqylandy.

«Egemen-aqparat».