Densaýlyq saqtaý vıse-mınıstri Ajar Ǵınııat Ortalyq kommýnıkasııalar qyzmetinde ótken brıfıngte jańa ınfeksııalyq aýrýhanalar men zerthanalar iske qosylatynyn aıtty, dep habarlaıdy Egemen.kz.
"О́ńirlerdegi epıdemııalyq jaǵdaılardy eskere otyryp, 12 óńirdiń Nur-Sultan, Almaty, SQO, BQO, Aqmola, Mańǵystaý, Almaty, Pavlodar, Qostanaı, ShQO, Qaraǵandy, Jambyl oblystarynyń ákimdikteri karantın sharalaryn kúsheıtý týraly sheshim qabyldady. PTR-test tapsyrǵandar qatarynyń kóbeıýine baılanysty KVI-ǵa shaldyqqandardyń da sany artýda. Qazir zerthanalar táýligine 55 myńǵa jýyq test jasaı alady. Elimizde 13 355 ınfeksııalyq tósek-oryn bar. Onyń 16%-y (2 myńnan astam) naýqas jatyr. 6 841 karantındik tósek-oryn daıyndap qoıdyq. Onyń 8%-da (600-deı) ǵana naýqas bar. Qosymsha 3 335 kereýetter jańa ınfeksııalyq aýrýhanalarda iske qosylatyn bolady", dedi Ajar Ǵınııat.
Onyń aıtýynsha, 23 qazanǵa deıin óńirlerge 100 jyljymaly keshender jetkiziledi. Sonyń ishinde qazirgi tańda 25 jyljymaly keshender óńirlerge jetkizildi. Olardyń ishinde laboratorııalyq, rentgen apparattary bar. Kadrlar búkil aýyl-aımaqtardy aralap, medısınalyq kómek kórsetiletin bolady.