Elimizdegi alǵashqy pılottyq joba Atyraýdaǵy №4 qalalyq emhanada iske qosyldy. Robot kelýshilerdiń dene qyzýyn tekserip, medısınalyq maskany durys taqpaǵan adamǵa dybysty eskertý jasaıdy, dep habarlaıdy Egemen.kz
"Dene qyzýyn ólsheıtin robot qurylǵy elimiz boıynsha alǵash ret pılottyq júıe retinde Atyraý oblysynda iske qosylyp otyr. Buryn álemdik tájirıbede synalǵan robot qurylǵynyń tıimdi tustary kóp. Medısına qyzmetkeri ýaqytyn únemdeıdi ári naýqastarmen baılanys jasaǵan kezde araqashyqtyqty saqtaıdy. Emhana qyzmetkeri endi robot kórsetken monıtordy ǵana baqylap otyrady. О́ıtkeni, "aqyldy" tehnıka ǵımaratqa dene qyzýymen kelgen naýqasty birden anyqtaıdy. Monıtor betine sol adamnyń sýretin kórsetip, qyzyl túspen ereksheleıdi. Al maskasyz nemese ony durys taqpaǵan kúıi ishke ense, onyń sýretin sary túske boıap, dabyl qaǵady. Daýystap eskertý jasaıdy", deıdi Atyraý qalalyq №4 emhanasynyń bas dárigeri Merýert О́teǵalıeva.