Jyl saıyn kúz-qys kezeńderi kúnniń salqyndaýyna jáne aýadaǵy ylǵaldyń joǵarylaýyna baılanysty JRVI juqtyrǵandar sany kóp baıqalady. Sonymen qatar COVID-19-dy juqtyryp alý qaýpi de bar. Osy oraıda ımmýnıtetti qalaı nyǵaıtýǵa bolady? Bul týraly mamandar aıtyp berdi, - dep jazady Egemen.kz
Medısınalyq kómek kórsetý algorıtmderi pysyqtaldy, qyzmetkerler covid-19-ben aýyratyn pasıentterdi emdeý jónindegi hattamalarmen tanysty, karantındik sharalar engizildi, halyqqa tumaý vaksınasııasy jáne pnevmokokkty vaksınasııa júrgizildi, dep atap ótti № 8 qalalyq emhananyń dırektory Aıgúl Qasymova bólisti.
Vırýstyq ınfeksııany juqtyrýdyń aldyn alý úshin halyq karantın erejelerin buzbaı, jeke gıgıenany saqtaý, qoldy jıi jýý, antıseptıkti paıdalaný, maska taǵý jáne qolǵap kııý qajet. Sondaı-aq, tumaý men pnevmokokk ınfeksııasyna qarsy vaksınasııa usynylady.
"Immýnıtetti nyǵaıtý úshin jyly kıiný kerek. Qart adamdar men arterııalyq gıpertenzııa, júrektiń ıshemııalyq aýrýy, ókpe aýrýlary barlar emhanalarda medısınalyq tekserýden ótý kerek,dári – dármekterdi, antıagreganttar-trombozdyń aldyn-alýǵa arnalǵan dári-dármekterdi únemi qabyldaý qajet. Bul aspırın, klopıdogrel bolýy múmkin. Bul rette dári-dármekterdi dárigerdiń taǵaıyndaýy boıynsha qatań qabyldaý qajet", - dep atap ótti Aıgúl Qasymova.
Immýnologtar COVID-19 vırýsyn zertteý nátıjesinde, on aı ishinde antıdeneler qanda 3 aıdan 6 aıǵa deıin jáne odan da kóp saqtalatyny anyqtady. KVI vırýsynyń birdeı shtammynan aýrýdyń qaıtalanǵan jaǵdaılary tirkelmegen. Alaıda, koronavırýs ınfeksııasynan keıin tirkelgen jeri boıynsha dárigerdiń baqylaýy qajet. Emdelýshiler ońaltý kýrstarynan ótip, deneniń jaǵdaıyn baqylaý kerek.