Keshe Máskeýde Qazaqstan Respýblıkasy Premer-Mınıstriniń birinshi orynbasary Baqytjan Saǵyntaevtyń tóraǵalyǵymen Eýrazııa ekonomıkalyq komıssııasy Keńesiniń (EEK) kezekti otyrysy bolyp ótti.
Keshe Máskeýde Qazaqstan Respýblıkasy Premer-Mınıstriniń birinshi orynbasary Baqytjan Saǵyntaevtyń tóraǵalyǵymen Eýrazııa ekonomıkalyq komıssııasy Keńesiniń (EEK) kezekti otyrysy bolyp ótti.
EEK otyrysynda Keden odaǵy jáne Biryńǵaı ekonomıkalyq keńistikti odan ári damytýdyń ózekti máseleleri qarastyryldy. Sonymen qatar, EEK jumysyna Ýkraına, Qyrǵyzstan jáne Armenııadan shaqyrylǵan ókilder qatysty.
EEK Keńes músheleri Armenııa Respýblıkasynyń Keden odaǵyna jáne Biryńǵaı ekonomıkalyq keńistikke (BEK) qosylý máselesi jónindegi jumys tobyn qurý týraly sheshim qabyldady. Atalǵan jumys toby Armenııanyń Keden odaǵyna jáne BEK-ke qosylýy boıynsha Jol kartasyn ázirleýge kirisetin bolady.
Búgingi otyrystyń mańyzdy bir qorytyndysy Qyrǵyzstan Respýblıkasynyń Keden odaǵyna qosylýy Jol kartasynyń maquldanýy boldy. Atalǵan jumys 2011 jylǵy qazanda bastalǵany belgili. Baqytjan Saǵyntaev Jol kartasynyń jobasyn memleketter basshylarynyń qaraýyna Máskeýde ótetin Joǵary Eýrazııalyq ekonomıkalyq keńestiń kezekti otyrysy barysynda talqyǵa salynýy josparlanýda ekenin atap ótti.
Sonymen qatar, EEK Keńesi otyrysynda jeke taýar túrlerine (elektr qozǵaltqyshty kondensatorlar jáne motorly transporttyq quraldar) qatysty Keden odaǵynyń Biryńǵaı kedendik tarıftik bajdarynyń ımporttyq stavkalaryn qoldaný boıynsha sheshimder qabyldandy. QR birinshi vıse-premeriniń aıtýynsha, atalǵan sharalar iri ınvestısııalyq jobalardy, sonymen qatar, birlesken jobalardy iske asyrýǵa qolaıly jaǵdaı jasaıdy. Sondaı-aq, Keden odaǵyndaǵy ekologııalyq jaǵdaılardy jaqsartýǵa múmkindik týǵyzatyn bolady, dep habarlady О́ńirlik damý mınıstrliginiń baspasóz qyzmeti.