Bıyl Qorǵanys mınıstrliginiń Áskerlerdi páterlerge ornalastyrý Bas basqarmasy Saryózek garnızonynyń saıabaq aımaǵyn jáne Almaty oblysyndaǵy eki polıgondy jaryqtandyrý boıynsha kúrdeli jóndeý jumystaryn júrgizdi, dep habarlaıdy Egemen.kz Qorǵanys mınıstrliginiń baspasóz qyzmetine silteme jasap.
Saryózek garnızony 12740 áskerı bóliminiń saıabaq aımaǵyn jaryqtandyrý júıesi kúrdeli jóndeýden ótti. Onyń perımetri boıynsha úsh shaqyrym boıy jaryqtandyrý qurylǵylary bar 90 tirek ornatyldy. Jumystar "Áskerı qurylys" AQ-men oryndaldy. Jóndelgen jaryqtandyrý, beınebaqylaýdaǵy áskerı obektilerdi kúzetý sapasyn jaqsartýǵa múmkindik beredi.
Almaty oblysy Aqsý aýdanyndaǵy "Jetisý" jáne "Qyzylaǵash" oqý polıgondarynda elektrmen jabdyqtaý jelisine kúrdeli jóndeý jumystaryn "Gas energy service company" JShS júrgizdi. Polıgondardy elektrlendirý úshin uzyndyǵy 14 shaqyrym bolatyn on kılovatt elektr taratý jelisi ornatyldy.
Qarýly Kúshter ınfraqurylymynyń osy nysandary boıynsha jobalyq-smetalyq qujattamany memlekettik saraptama maquldady. Qazirgi ýaqytta jumystar aıaqtalyp, olardy paıdalanýǵa berý aktileri resimdelýde.