Eýropadaǵy Qaýipsizdik jáne Yntymaqtastyq Uıymy Parlament Májilisine saılaýdy baıqaýǵa daıyndyqty bastady, dep habarlaıdy Egemen.kz mınıstrliktiń baspasóz qyzmetine silteme jasap.
Syrtqy ister mınıstriniń orynbasary Marǵulan Baımuhan 2021 jylǵy 10 qańtarda bolatyn Parlament Májilisi depýtattarynyń saılaýyna baılanysty Qazaqstanǵa kelgen EQYU/DIAQB saılaý boıynsha aǵa keńesshisi Alekseı Gromov bastaǵan Qajettilikterdi baǵalaý jónindegi EQYU mıssııasynyń ókilderin qabyldady.
Qajettilikterdi baǵalaý jónindegi mıssııalar EQYU-ǵa qatysýshy elderge saılaý aldy ahýaldy taldaý jáne saılaýǵa daıyndyq máselelerin naqtylaý maqsatynda saılaýǵa birneshe aı buryn merzimde dástúrli túrde barady. Olardyń mindetteriniń biri DIAQB tarapynan saılaýdy baqylaýdyń neǵurlym qolaıly formaty boıynsha usynymdar ázirleý bolyp tabylady.
Kezdesý barysynda taraptar COVID-19 pandemııasy jaǵdaıynda halyqaralyq baqylaýshylardy akkredıtteý rásimin egjeı-tegjeıli talqylady.