Nur-Sultan qalasynyń ákimdiginde jeke ınvestısııalar esebinen nysandar qurylysy talqylandy. Jıynda "Kayaturk Group" kompanııasynyń ınvestorlarymen birlesip, toqyma fabrıkasy men azyq-túlik sýpermarketi qurylysy máselesi qaraldy, dep habarlaıdy Egemen.kz
"Ishki naryqta fabrıkalar men zaýyttarǵa, kóterme saýda jáne qoımadan taratý oryndaryna suranys bar. Sondyqtan qalamyz ben qala turǵyndaryna mańyzdy mundaı nysandardy kóptep ashyp jatyrmyz. Olardan shyǵatyn ónimdi mysaly, jańa nysandardyń qurylysyna; turǵyn úı-kommýnaldyq sharýashylyqty jańǵyrtýǵa, ınjenerlik toraptardy almastyrýǵa paıdalanýǵa bolar edi. Sonymen birge, tarmaqtalǵan jelilerdi salý qajettigin pandemııa da kórsetip otyr.
"Kayaturk Group" kompanııasynyń ınvestorlarymen birlesip, toqyma fabrıkasy men azyq-túlik sýpermarketi qurylysy máselesin talqyladyq. Holdıngtiń quryltaıshysy Abdýl Nasyr Chetın turaqty jumys oryndary ashylyp, óndiris jolǵa qoıylatynyn atap ótti.
Investorlarmen jekelegen kezdesýlerden bólek, ınvestısııalyq keńester de ótkizip júrmiz. О́ńirlik ınvestısııalyq keńeste qoldaý tapqan jumystardyń ishinde áleýmettik, ınfraqurylymdyq, óndiristik, logıstıkalyq jáne basqa da jobalar bar. Qurylys jekemenshik qarjyǵa júrgiziledi. Ár ınvestormen jeke jumys istep, paıda bolǵan ákimshilik tosqaýyldardy joıyp jatyrmyz", dedi Nur-Sultan qalasynyń ákimi Altaı Kólginov.