“Quqyqtyq tártip” jedel-aldyn alý is-sharasy barysynda ótken táýlikte Almaty qalasynda 32 qylmys izin sýytpaı ashyldy, – dep habarlaıdy Egemen.kz Polisia.kz saıtyna silteme jasap.
“Quqyqtyq tártip” jedel-aldyn alý is-sharasy 26 qazan -1 qarasha aralyǵynda ótkiziledi.
"Is-sharanyń maqsaty – qaladaǵy jedel jaǵdaıdy jaqsartý, qoǵamdyq tártipti, jol qaýipsizdigin qamtamasyz etý, sondaı-aq, qylmystardyń aldyn alý men jolyn kesý bolyp tabylady. Jeke quram qyzmettiń kúsheıtilgen túrine kóshirildi. Jaıaý jáne avtokólik patrýlderiniń baǵyttary tyǵyzdaldy. Nátıjesinde ótken táýlikte 32 qylmys izin sýytpaı ashyldy. Onyń ishinde segiz urlyq, tórt alaıaqtyq, bir ozbyrlyq jáne t.b. bar. Sonymen qatar esirtkini zańsyz saqtaýdyń tórt faktisiniń, atys qarýyn zańsyz saqtaýdyń bes faktisiniń, oq-dárini zańsyz saqtaýdyń segiz faktisiniń, sýyq qarýdy zańsyz alyp júrýdiń jáne saqtaýdyń jıyrma bir faktisiniń joly kesildi. Budan basqa kezekshi táýlikte buryn jasalǵan bes tonaý, bes urlyq, tórt alaıaqtyq, bir bopsalaý men bir zorlaý qylmysy ashyldy. Izdeýde júrgen bes adam ustaldy", – dedi Almaty qalasynyń Polısııa departamenti bastyǵynyń birinshi orynbasary Nurlan Almasbekov.
Budan basqa ótken táýlik ishinde 982 adam ákimshilik jaýapkershilikke tartylǵan. Balalaryn tárbıeleý jónindegi mindetterin oryndamaǵany úshin 6 adamǵa, alkogoldik ishimdikter satqany úshin 3 adamǵa, usaq buzaqylyǵy úshin 145 adamǵa, qoǵamdyq oryndarda alkogoldik ishimdikter ishkeni úshin 168 adamǵa, tynyshtyqty buzǵany úshin 101 adamǵa, túngi ýaqytta kámeletke tolmaǵandardyń turǵyn jaıdan tys júrgeni úshin 42 adamǵa, tirkeýsiz nemese jeke basyn kýálandyratyn qujattarsyz turǵany úshin 249 adamǵa qatysty ákimshilik hattama toltyryldy. Sondaı-aq Almaty qalasynyń PD qabyldaý-taratý ortalyǵyna 16 adam ornalastyryldy.