Almaty – armandar toǵysqan arda qala. Munda ómir súrgen adam tirshilik yrǵaqtaryn búkil jan dúnıesimen sezinedi. Mıllıon taǵdyr muńyn shaǵyp, syryn ashqan sáýleli shahar túptep kelgende óz turǵyndaryn maqsat shyńyna qaraı jeteleıdi. О́ıtkeni árkimniń júreginde óz Almatysy bar. «О́tkinshi jańbyr» dep atalǵan sý jańa otandyq telehıkaıa Almaty tabystyrǵan taǵdyrlardyń ómir ıirimderin ózinshe sýrettegen.
Teleónim taǵdyr tálkegimen Almatyda kezdesip, jaqyn dos bolyp, ortaq is ashatyn eki áıeldiń taǵdyry men olardyń armandary týraly baıandaıdy. Sol ýaqyt aralyǵynda olar ózgeredi, jeke tulǵa retinde ósedi, qıyndyqtardy jeńip, tabysqa jetedi. Bir sózben aıtqanda, bul ómirde bári múmkin ekenin dáleldeıdi.
Taıaý kúnderi «Almaty» telearnasy arqyly kópshilikke jol tartatyn telehıkaıanyń ár bóliminde kórermen ózin jáne otbasyna jaqyn oqıǵany kórýi múmkin. Týyndynyń basty keıipkeri – Janar esimdi kópbalaly ana. Kúndelikti úı sharýasynan zerikken ol – kásipkerlikti qolǵa alyp, el qatarly jumys istegisi keledi. Alaıda jubaıy bul oıyn quptamaıdy.
Ekinshi keıipker – Ajar. Ol jalǵyzbasty ana ári kásipker. Tapsyryspen balkúlshe (tort) pisirý, onyń basty tabys kózi. Jumystan jalyqqan ol – kerisinshe otbasylyq ómirdi ańsaıdy. Keıipkerlerdiń taǵdyry ártúrli bolǵanymen, basqa túsken qıyndyq ekeýiniń basyn bir arnaǵa toǵystyrady.
– Bul ýaqyt tynysyn tanytatyn joba. «Otan otbasynan bastalady» deıtin qaǵıdanyń qaı kezde de bási bıik. О́mir bolǵan soń erli zaıyptylar arasynda túrli túıtkilder bolady. Otbasy beriktigin saqtaý, shańyraqty shaıqaltpaý úlken jaýapkershilik. Balalarǵa taǵylymdy tárbıe berý, adam etý bárimizdiń ata-analyq muratymyz. Keıde biz jumys dep júrip, otbasyna kóńil bóle almaı nemese jumystardy ysyryp qoıyp, tek otbasynyń qasynda bolyp jatamyz. Qarap otyrsaq, bul tusta tepe-teńdikti ustap turý óte qıyn. Osy jáne otbasynda bolatyn ózge de máseleler telehıkaıada jaqsy óris alǵan. «О́tkinshi jańbyr» telehıkaıasy – ómirdiń ótkinshi ekenin, baqytty der kezinde baǵalaı bilýdiń qadirin úıretedi, – deıdi telehıkaıanyń basty rólderiniń birin somdaǵan belgili akter Almat Saqatov.
Týyndyda keıipkerlerdiń qyzyqty ómirimen qosa, Almaty qalasynda júıeli júzege asyp jatqan «Baqytty otbasy», «Eńbek», «Isker ana», «Bıznes bastaý» sekildi áleýmettik jobalar kórinis taýyp, jastarǵa baǵyt-baǵdar beredi. Arý qalanyń ásem kelbetin aıshyqtaǵan jobada talap pen talmaı izdený, bolashaqqa sený, maqsatkerlik sekildi aıryqsha qasıetter kórermenge úmit syılaıdy. Saltanat Baqaeva, Nurgúl Myńǵatova sekildi aktrısalar qazirgi qazaq áıeliniń armany, otbasy qundylyǵy, syılastyq, dostyq, týystyq qarym-qatynastyń qasıet-qalybyn dáriptegen jobanyń shyraıyn asha túsken.
Ulttyq ekranymyzdyń tól týyndylarmen tolyǵa túskeni kóńil qýantady. Mártebeli kórermenge jýyq arada jol tartatyn jańa joba kópshiliktiń talǵam bıiginen kóriner degen senimdemiz.
ALMATY