Aýyl sharýashylyǵyn damytý maqsatynda Munaıly aýdanyndaǵy sharýa qojalyǵy gıdropondy jasyl jem óndirý jobasyn qolǵa aldy. Bul týraly Munaıly aýdandyq kásipkerlik, aýyl sharýashylyǵy jáne veterınarııa bóliminiń basshysy Dastan Muratalıev málim etti, dep habarlaıdy Egemen.kz.
Kásipker óńirlik "Nur kapıtal" baǵdarlamasynyń aıasynda 1% ósimmen "Reseı Jınaq bank" AQ arqyly 20 mln teńge nesıe alǵan.
"Qarajatqa qajetti gıdropondy jasyl jem óndiretin qural-jabdyqtar satyp aldym. 2019 jyly, jeltoqsan aıynan bastap jumysty bastadyq. Qazirgi tańda bıdaıdan, arpadan, sulydan, júgeriden shópter óndirilýde. Ashylǵan kúnnen bastap osy ýaqytqa deıin 7-8 tonna ónim óndirdik. Daıyn bolǵandaryn Basqudyq aýyly, "Er Shabaı" bazaryna usynyp otyrmyz. 3 adam jumyspen qamtylǵan" , - dedi qojalyq ıesi Qobylandy Aısazınov.
Otandyq gıdroponıkalyq jańa tehnologııa bıdaı, arpa, suly, júgeri, 70% vıtamınderden jáne makro-mıkro elementterden turady. Jasyl jem-shópterdiń paıdasy tórt túliktiń tez semirýine yqpal etedi. Bul joba aýyl sharýashylyǵy salasyn damytýdy kózdeıdi.