Jahandaný dáýiri men tehnologııa qaryshtaǵan zamanda ulttyq qundylyqtarǵa adal jandardyń qatary sırep barady. Sonyń biri – atalǵan oblystyń Terekti aýdanyna qarasty Fedorov aýylynyń turǵyny Ulan Saıtmuhaev. Ol ata-babadan qalǵan murany kózdiń qarashyǵyndaı saqtap, ony kúndelikti ómirimen ushtastyryp júrgen sheber, dep jazady Egemen.kz.
Ulan Saıtmuhaevtyń jumys bólmesine kirgen sátten-aq qazaqy rýh seziledi. Negizgi qyzmeti – memlekettik salada, aýdannyń bas qazynashysy. Qarbalas tirshiligine qaramastan, ol óziniń súıikti isine ýaqyt tabady.
Bos ýaqytynda tazysyn ertip, qoıan júgirtip, tabıǵat aıasynda serýendeıdi. Sheber úshin tulpary Naımankózge otyryp, keń dalada erkin kósilý – jan tynyshtyǵynyń kepili. Ol osyndaı sátterde bar kúıbeń tirlikti umytyp, tabıǵatpen tildeskendeı kúı keshedi.
Kókshetaýda qolóner sheberleri ǵajaıyp buıymdardy kópshilik nazaryna usyndy
Al onyń shańyraǵy naǵyz shaǵyn mýzeı ispetti. Úı aýlasyna kirgen jandy eń aldymen iri qoshqardyń basy qarsy alady – bul úıdiń sımvoldyq kúzetshisi ispetti. Dástúr men zaman úndestigin saqtaǵan sheberdiń aıtýynsha, bul erekshe jádigerdi ol Jetisý Alataýynan, Jarkent mańyndaǵy aýyldan alyp kelgen. Bul ol úshin asa qymbat dúnıe. Qalpaqtaryn soǵan ilip qoıady eken.
Úı ishindegi qabyrǵalarǵa qasqyr terisi, ártúrli qamshylar ilingen. Munda mýzeıden ǵana kóretin sırek buıymdar da bar. Ulan birneshe jyldan beri qamshy órýmen aınalysyp keledi. Ol óz qolymen jubaıy men tórt qyzyna arnaıy qamshy órip bergen. Alaıda sheberdiń qolynan shyqqan dúnıeler kóbine úıde saqtalmaıdy, ol olardy qonaqtaryna syıǵa tartady eken.
Ulttyq buıymdardy jańǵyrtqan ustaz
Otbasyndaǵy ónerge degen súıispenshilik balalarynan da baıqalady. Sheberdiń ul-qyzdary jastaıynan dombyra tartyp, ulttyq ónerge jaqyn bolyp ósip keledi. Ulan Saıtmuhaev óz óneriniń bastaýy bala kezinen qalanǵanyn aıtady.
«Bala kúnimde áke-sheshemdi, ata-ájelerimdi kórip óstim. Olar qoı qyrqyp, jún óńdep, kıiz basatyn. Aǵash oıý, temir soǵý – bári de bizdiń úıde bar edi. Aqyn óleńdi shabytpen jazsa, biz de ár buıymdy súıispenshilikpen jasaımyz. Bul bizdiń ómir fılosofııamyz», deıdi ol.
Búgingi tehnologııalyq dáýirde Ulan Saıtmuhaev ulttyq dástúrdi zaman talabymen úılestire bilgen. Onyń eń úlken armany – balalaryn elin súıetin, ata murasyn ardaqtaıtyn naǵyz patrıot etip tárbıeleý.
Almaty – álemdik qolóner qalasy