Jemqorlyqty «júgendeýge» bolady

El Prezıdenti sybaılas jem­qor­lyqqa qarsy kúres jáne azamattardyń ótinishterin qaraý úrdisterin sapaly uıymdastyrý barysynda memlekettik organdardy halyqpen ózara áreket etýge shaqyrdy. Úkimettik emes qo­ǵamdyq uıymdar arasynda áleý­mettik memlekettik tapsyrystar­dy ornalastyrý jáne tıisti norma­tıv­tik aktilerdi, jeńildikterdi ázir­leý jáne qabyldaý túrindegi memle­kettik qoldaý halyqtyń sybaılas jem­qorlyqqa qarsy is-qımyl jasaý belsendiligi artty.

Aqmola oblysynyń jolaýshylar kóligi jáne avtomobıl joldary basqarmasy óz qyzmetiniń ashyqtyǵyn qamtamasyz etý, qyzmetkerleriniń sybaılas jemqorlyq boıynsha quqyq­buzýshylyqtar jasaý táýekelderin qysqartý jumystaryn jandandy­rýda. «Halyq únine qulaq asatyn mem­leket» tujyrymdamasyn iske asy­rý maqsatynda basqarmada áleý­met­tik jeliler (Instagram, Face­book) jáne resmı saıty https://wwwgov.kz/memleket/entities/aqmola-upt?lang=kz jumys isteıdi, olardyń kómegimen kún saıyn halyqqa prob­lemalyq máselelerdi sheshýde keńes, tájirıbelik kómek kórsetiledi, aıtyl­ǵan pikirlerge onlaın-rejimde bir saǵat ishinde jaýap beriledi, osy­nyń arqasynda halyqpen keri baılanys júrgiziledi. Turaqty negizde basqarmanyń aǵymdaǵy qyzmetin kórsetetin jańalyqtar legi jańar­tylyp otyrady. Basqarmanyń ınternet-resýrsynda avtomobıl joldaryn jóndeý, qaıta jańartý, jolaýshylar kóligi jáne baılanys máseleleri boıynsha jaýaptardy alý úshin azamattardyń suraqtaryn joldaýdy qamtamasyz etetin «Suraq-jaýap» paraqshasy jumys isteıdi.

Sonymen qatar senim telefony jumys isteıdi, sondaı-aq laýazym­dy tulǵalardyń quqyqqa qaıshy áre­ketteri týraly azamattardyń óti­­nish­terine arnalǵan jáshik bar. Bas­­qarma basshylyǵy apta saıyn be­ki­tilgen kestege sáıkes azamattar­dy qabyldaýdy júzege asyrady. Bas­qarmanyń resmı saıtynda «Sy­baılas jemqorlyqqa qarsy is-qımyl máseleleri» paraqshasy bar. Onda «Qazaqstan Respýblıkasynyń 2015-2025 jyldarǵa arnalǵan sybaılas jemqorlyqqa qarsy strategııasy týraly» sybaılas jemqorlyqqa qar­sy is-qımyl jónindegi zańnamalyq aktiler, basqarma basshysy mindetin atqarýshynyń 2019 jylǵy 31 jeltoq­sandaǵy buıryǵymen bekitilgen Qa­zaqstan Respýblıkasynyń 2015-2025 jyldarǵa arnalǵan sybaılas jemqorlyqqa qarsy strategııa­syn iske asyrýdyń 2020 jylǵy is-sharalar jospary, júrgizilgen fýnk­sıonaldyq taldaýlar boıynsha anyqtamalar jáne basqarmanyń sy­baılas jemqorlyqqa qarsy standarty kórsetilgen. Oblystyq jolaý­shylar kóligi jáne avtomobıl joldary basqarmasy qyzmetinde sybaılas jemqorlyqqa jol bermeý jáne sybaılas jemqorlyqqa múldem tózbeýshilikti arttyrý maqsatynda, basqarmanyń sybaılas jemqorlyqqa qarsy standarty ázirlendi. Standartta basqarmada jumys isteıtin tulǵalar áreketiniń qaǵıdalary, memlekettik fýnksııalardy atqarýmen baılanysty shekteýler men tyıymdar retteledi. Árbir jarty jyl saıyn basqarma sybaılas jemqorlyq táýekelderine ishki taldaý jumystaryn júrgizedi, nátıjesinde tıisti sharalar qolda­nylady.

Toqsan saıyn qyzmetkerlermen keńester ótkiziledi, onda basqarmanyń negizgi qyzmetine, sondaı-aq sybaılas jemqorlyqqa qarsy zańnamasyna jáne memlekettik qyzmetterdi kórsetýine baılanysty problemalyq máseleler talqylanady. Osylaısha 2020 jylǵy 7 qyrkúıekte «Sybaılas jemqorlyq­qa qarsy mádenıetti qalyptastyrý» ta­qy­rybynda Aqmola oblysy bo­ıynsha Qazaqstan Respýblıkasy Sy­baı­las jemqorlyqqa qarsy is-qımyl agent­tiginiń departamenti prıvensııa jáne parasattylyq basqarmasynyń basshysy B.Ámirjanovtyń jáne bas­qarma qyzmetkerleriniń qaty­sýymen onlaın-konferensııa ótki­zildi. Konferensııa barysynda sy­baılas jemqorlyqqa qarsy kúres jáne sybaılas jemqorlyqqa qar­sy zańnamany oryndaý boıynsha júr­gizilip jatqan jumystar zerdelendi, sondaı-aq sybaılas jemqorlyq táýe­kelderine yqpal etetin sebepter men jaǵdaılarǵa taldaý júrgizildi, av­tomobıl joldaryn salý jáne oblys boıynsha zańsyz tasymaldaý­shylar qyzmetiniń jolyn kesý máse­leleri qaraldy. Onlaın-konferen­sııa sońynda tolyq jaýaptar jáne usynystar berildi. Sonymen qatar aǵymdaǵy jyldyń aıaǵyna deıin sybaılas jemqorlyqqa qarsy is-qımyl máseleleri boıynsha tasymaldaýshy­larmen jáne merdigerlermen kezdesýler ótkizý josparlanǵan. Bas­qar­ma «Memlekettik kórsetiletin qyz­metter tizilimin bekitý týraly» Sıfr­lyq damý, ınnovasııalar jáne aeroǵarysh ónerkásibi mınıstri min­de­tin atqarýshynyń 2020 jylǵy 31 qań­tardaǵy buıryǵyna sáıkes 4 mem­lekettik qyzmet kórsetedi, olardyń ishinde 2 qyzmetti elektrondy formatta kórsetý máselelerine erekshe kó­ńil bólinedi.

Bul qyzmetterdi kórsetý sapasyna baqylaý is-sharalarynyń 2020 jylǵa arnalǵan jospary bekitildi. Aı saıyn kórsetilgen memlekettik qyzmetter boıynsha merzimderdiń jáne sapanyń saqtalýyna taldaý júrgiziledi. Bu­qaralyq aqparat quraldarynda mem­lekettik qyzmetterdi kórsetýge qa­tysty materıaldar jarııalanady. Mem­lekettik aqparattyq tapsyrys sheńberinde baspasóz basylym be­­tinde memlekettik qyzmetterdi kór­setýdiń reglamenti jáne standart má­tinderi jarııalanady. Kórsetiletin mem­le­kettik qyzmetter, onyń standarttary men reglamentteri, jazatyn ótinish úlgi­leri basqarma stendinde jáne res­mı saıtynda ornalastyrylǵan, sondaı-aq www.elicense.kz elektrondy úkimet portalynda da bar. Sonymen birge memlekettik qyzmet kórsetý úr­disteriniń ashyqtyǵyn qamtamasyz etýge baǵyttalǵan onyń sapasyn ishki baqylaý, jarııa is-sharalardy júrgizý jolymen memlekettik qyzmet kórsetý úrdisin jetildirý boıynsha turaqty negizde sharalar qoldanylýda. Bul is-sharalar memlekettik qyzmet kórsetý úrdisiniń ashyqtyǵy men onyń sapaly kórsetilýin qamtamasyz etýge baǵyttalǵan. Sybaılas jemqorlyqtyń aldyn alý jáne qoǵamdyq kólikte tarıf belgileýdiń ashyqtyǵy maq­satynda, «Sıfrly Qazaqstan» mem­lekettik baǵdarlamasyn iske asyrý sheńberinde 2019 jyly «Kókshetaý qalasynyń qoǵamdyq kólikterinde jol júrý tólemin jáne baqylaýdyń avtomattandyrylǵan júıesin engizý jáne súıemeldeý» jobasy júzege asyryldy.

Qalalyq marshrýttarǵa qyzmet kórsetetin avtobýstar kólik kartalarymen (qolma-qol aqshasyz esep aıyrysý) jáne qolma-qol esep aıy­rysý arqyly jol júrý aqysyn tó­leý úshin jyljymaly termınal­dar­men jabdyqtalǵan. Barlyq tó­lemder júıede tirkeledi jáne tarıf belgileý men tasymaldaýshylardyń shyǵyndaryn sýbsıdııalaý jónindegi máselelerdi qaraý kezinde eskeriledi. Memlekettik satyp alýlar týraly zańnamanyń saqtalýyna erekshe nazar aýdarylýda. Memlekettik satyp alý jospary ázirlenip bekitiledi. Konkýrstar memlekettik satyp alý­dyń ınternet-resýrsynda jarııa­lanady. Jyl ótken saıyn jol jón­deý jumystaryn satyp alý kezinde kon­kýrstyq rásimderdi ótkizý bary­syn­da zańnamanyń saqtalýyna syrt­qy baqylaý kúsheıe túsýde. «Qa­zaq­stan Respýblıkasyndaǵy sáýlet, qala qurylysy jáne qurylys qyz­meti týraly» zańnyń 73-baby 4 jáne 5-tarmaqtaryna sáıkes, «Sa­lynǵan obektini paıdalanýǵa qa­byldaý aktimen resimdeledi. Sa­lynǵan obektini paıdalanýǵa qa­byldaý aktisine sáıkestik týraly dek­larasııanyń jáne oryndalǵan jumystardyń jobaǵa sáıkestigi men qurylys-montajdaý jumystarynyń sapasy týraly qorytyndylardyń negizinde tapsyrys berýshi, merdiger (bas merdiger), tehnıkalyq jáne av­torlyq qadaǵalaýlardy júzege asyratyn adamdar qol qoıady».

Jergilikti mańyzy bar avto­mobıl joldaryn salý, qaıta ja­ńartý, kúrdeli jáne ortasha jóndeý kezinde qurylys-montajdaý jumys­tarynyń sapasyn baqylaýdy kú­sheıtý maqsatynda tapsyrys be­rý­shi, merdiger uıym, avtorlyq qada­ǵalaý tarapynan sapany baqylaý júrgiziledi. Tehnıkalyq qadaǵalaý jáne tehnologııalyq súıe­meldeý jó­nindegi ınjınırıngtik qyz­mettiń, sondaı-aq Indýstrııa jáne ınfra­qurylymdyq damý mınıstrligi Avtomobıl joldary komıtetiniń «Ul­t­tyq jol aktıvteri sapasy orta­lyǵy» memlekettik kásiporny tarapynan júzege asyrylady. Sondaı-aq jergilikti mańyzy bar avtomobıl joldarynda qurylys-montajdaý jumystaryn júrgizý kezinde, tapsyrys berýshi, merdiger uıym, jobanyń baılanystary men iske asyrylý merzimderi týraly málimetterdi kór­se­tetin aqparattyq stendter orna­tý boıynsha jumystar júrgiziledi. At­qa­rylǵan jumystar sybaılas jem­qor­lyqqa baılanysty quqyqbuzý­shy­lyqtardy jasaý táýekelderin azaı­týǵa septigin tıgizetinine senim mol.

Arsen JANǴASQANOV,

Aqmola oblystyq jolaýshylar kóligi jáne avtomobıl joldary basqarmasynyń basshysy