Koronavırýs ınfeksııamen aýyrǵan adamnyń denesinde antıdeneler bes aıǵa deıin saqtalýy múmkin. Bul týraly Science jýrnalynda jarııalandy, dep habarlaıdy Egemen.kz.
Zertteýge barlyǵy 30 myńnan astam ǵalym qatysqan. Onda pasıent aýrýdy jeńil nemese ortasha túrde ótkizse, antıdeneler aǵzada bes aı boıy saqtalýy múmkin ekendigi aıtylǵan.
Buǵan deıin Ortalyq klınıkalyq aýrýhananyń bas zertteýshisi Nıkıta Lomakın "Izvestııa" gazetine bergen suhbatynda "koronavırýstyq ınfeksııamen aýyratyn naýqastarda gýmoraldy ımmýnıtet úsh-bes aıdan keıin joǵalyp ketýi múmkin, bul qaıta juqtyrý qaýpin bildiredi" degen edi.
Aıta keteıik, gýmoraldy ımmýnıtet genetıkalyq bóten zattardyń aǵzaǵa enýinen, kóbeıýinen jáne taralýynan qorǵaıdy.