Nur-Sultanǵa kelgen PTR-anyqtamasy joq 35 jolaýshy stasıonarlyq karantınge jiberildi, dep habarlaıdy Egemen.kz Nursultan Nazarbaev halyqaralyq áýejaıynyń baspasóz qyzmetine silteme jasap.
1 qarashadan 2 qarashaǵa qaraǵan túni elorda áýejaıyna "Eır Astana", Belavia, Turkish Airlines avıakompanııalarynyń bes ushaǵy qondy. Barlyǵy 674 jolaýshy ushyp keldi. Olardyń 35-inde PTR-testi joq bolǵandyqtan olar stasıonarlyq karantınge jiberildi.
PTR taldaýyn tapsyrǵannan keıin deni saý adamdar úılerine jiberiledi, al naýqastar juqpaly aýrýlar aýrýhanasyna jatqyzylady. Bul rette halyqaralyq tranzıttik jolaýshylarǵa tranzıttik aımaqtan shyǵýǵa tyıym salynady.