Jambyl oblysynyń Moıynqum aýdanynda turatyn turǵyndar úshin osy ýaqytqa deıin basty másele baspana bolyp kelgen bolatyn. Ásirese kópbalaly úısiz, úı kezeginde turǵan otbasylar úshin turǵyn úı kúrdeli másele edi. Tipti olar aýdan ákiminiń qabyldaýynda bolyp, turǵyn úı de surapty. Jergilikti bılik te turǵyndardyń ótinishin eskerip, olardy jataqhanamen qamtý týraly uıǵarymǵa kelgen.
Moıynqum aýdanynyń ákimi Máden Musaevtyń usynysymen aǵymdaǵy jyldyń basynda qaraýsyz, jóndeýsiz turǵan 4 qabatty jataqhanaǵa aýdan bıýdjetinen 27 mıllıon teńge bólinip, ol qarajatqa atalǵan jataqhananyń birinshi jáne ekinshi qabattary jóndeýden ótkizilgen. Tipti shatyry aýystyrylyp, ishine ortalyqtandyrylǵan jylytý batareıalary júrgizilip, aýyzsý men ájethana ishke kirgizilgen. Búgingi tańda 6 kópbalaly, jalǵyzilikti úı kezegindegi otbasylarǵa birinshi qabattan jataqhana kiltteri berildi. Aýdan ákimi Máden Musaev baspanaly bolǵan azamattardy quttyqtap, jataqhana kiltterin saltanatty túrde tabys etti. Al, baspanaly bolǵan turǵyndar da birin-biri quttyqtap, shashý shashyp, aýdan basshylyǵyna alǵys aıtty.
Jambyl oblysy